Քեյթ Միդլթոնն ու արքայազն Ուիլյամը երկու շաբաթով թանկարժեք առանձնատուն են վարձակալել (լուսանկարներ)

Արքայազն Ուիլյամն ու Քեյթ Միդլթոնը երկու շաբաթյա հանգիստ են անցկացրել Կարիբյան ծովի Մյուստիկ կղզում։ Զույգի ու իրենց երեխաների հետ միասին հանգստացել են նաեւ դքսուհու ծնողները։ Թագավորական ընտանիքն այս վայրում եղել է 2008թ․-ին։ Այս մասին հայտնում է The Sun-ը։

Նրանք հյուրընկալվել են գործարար Էնդրյու Դաննի վիլլայում, որի հետ Ուիլյամն ընկերություն է արդեն երկար տարիներ։ Տունն ունի 5 ննջասենյակ, մի քանի լողասենյակ, դրսում մեծ լողավազան, շրջապատված է այգով։

«Ուիլյամի եւ Քեթրինի երեխաներն ուղղակի պաշտում են տեղի երկտեղանոց մահճակալները եւ մաքուր օդում զբոսանքներն ու զվարճանքները։ Քանի որ առանձնատանն աշխատում են պրոֆեսիոնալ խոհարարներ եւ սպասուհիներ հյուրերը միշտ կարող են խնդրել ինչ ցանկանան», - պատմել է Էնդրյու Դաննը։

Այս վայրի բոնուսը համարվում է դրա անհասանելի լինելը, քանի որ այդ տարածքում թագավորական հյուրերին անհնար է լուսանկարել նույնիսկ մաքուր օդին։

Վիլլայում մեկ շաբաթ անցկացնելն արժե 27 հազար ֆունտ ստերլինգ։ Համապատասխանաբար՝ 2 շաբաթվա համար ամուսինները ծախսել են ավելի քան 54հազար ֆունտ ստերլինգ։