ԱՄՆ-ում կիրակի օրը հազարավոր ավիաչվերթներ չեղարկվել կամ ուշացել են
ԱՄՆ-ում կիրակի օրը հազարավոր ավիաչվերթներ չեղարկվել կամ ուշացել են, քանի որ երկրի օդային երթևեկության կառավարման համակարգը շարունակում է վերականգնվել տեխնիկական խափանումից հետո, որը հանգեցրել էր օդանավերի թռիչքների հազվադեպ համազգային դադարեցման։
ԱՄՆ տրանսպորտի նախարար Շոն Դաֆին հայտարարել է, որ օդային երթևեկության բնականոն աշխատանքը կարող է ամբողջությամբ վերականգնվել միայն երկուշաբթի օրը։
Ինչպես հայտնում է BBC-ին, ըստ տվյալների՝ միայն կիրակի օրը ԱՄՆ-ում ավելի քան 8,800 չվերթ է ուշացել, շուրջ 2,400-ը՝ չեղարկվել։
ԱՄՆ նախագահ Դոնալդ Թրամփը Կոնգրեսին կոչ է արել լրացուցիչ ֆինանսավորում հատկացնել օդային երթևեկության կառավարման համակարգի արդիականացման համար։
Ուրբաթ օրը ԱՄՆ-ից մեկնելու համար նախատեսված բոլոր օդանավերի թռիչքների դադարեցումը լուրջ խառնաշփոթ էր առաջացրել երկրի օդանավակայաններում։ Այն պահին, երբ ԱՄՆ Դաշնային ավիացիոն վարչությունը (FAA) տեղական ժամանակով 15:54-ին (Գրինվիչի ժամանակով՝ 20:54-ին) հայտարարեց թռիչքների անորոշ ժամկետով դադարեցման մասին, օդում էր գտնվում ավելի քան 3,500 օդանավ։ Դրանցից մի քանիսն ուղղորդվել են այլ օդանավակայաններ, իսկ մյուսները շարունակել են թռիչքը դեպի նախատեսված ուղղություններ։
FlightAware-ի տվյալներով՝ միջադեպի հետևանքով ավելի քան 8,500 չվերթ է ուշացել, ևս շուրջ 8,000-ը՝ չեղարկվել։
Թեև համազգային սահմանափակումը չեղարկվել է մոտ 4,5 ժամ անց, դրա հետևանքները շարունակվել են զգացվել ամբողջ հանգստյան օրերին։
Շաբաթ օրը ավիաընկերությունները չեղարկել են ավելի քան 5,900 չվերթ, իսկ ավելի քան 7,000-ը՝ ուշացել։
Միջադեպի պատճառներն ու պատասխանատուներին պարզելու ուղղությամբ հետաքննությունը դեռ շարունակվում է։


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կրկին ակտիվացել են ՆԳՆ անունից զեղծարարության փորձերը
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Ստեփանծմինդա-Լարս ավտոճանապարհը փակ է բեռնատարների համար
Միլանը հյուրընկալվել էր Ջենոային
Ինտերը հարազատ Ջուզեպպե Մեացա մարզադաշտում հյուրընկալեց Կոմոյին
Վարչապետն ընդունել է Իրանի փոխնախագահի գլխավորած պատվիրակությանը