Հայկական արտադրանքի ներմուծման ցուցանիշի նվազումը կարող է հանգեցնել լուրջ խնդիրների. պատգամավոր
Ներմուծման ցուցանիշի նվազումը կարող է հանգեցնել լուրջ խնդիրների, դրա համար հարկավոր է լուրջ քննարկումներ իրականացնել եւ միջոցներ ձեռնարկել ներմուծման եւ արտահանման ծավալներն իրար մոտեցնելու համար։ Այս մասին հուլիսի 15-ին լրագրողների հետ հանդիպմանն ասաց «Բարգավաճ Հայաստան» խորհրդարանական խմբակցության պատգամավոր Սերգեյ Բագրատյանը։
Նրա խոսքով՝ պետք է հասնել այն բանին, որպեսզի անցած տարվա քաղաքական փոփոխությունները վերածվեն տնտեսականի արդեն 2020 թվականին՝ ներդրողների ներգրավման միջոցով, որոնք օպերատիվ եւ հասկանալի փոփոխություններ են ցանկանում։ «Մեր քննադատությունն ուղղված է փոփոխությունների տեմպերի փոփոխությանը, որը որոշակի աստիճանով բավարարում է էներգետիկայի ոլորտում եւ չի բավարարում, մասնավորապես, զբոսաշրջության ոլորտում։ Այս իմաստով կարելի է դիմել հարեւանների, այդ նույն Վրաստանի փորձին»,- նշել է նա։
ԲՀԿ պատգամավորի համոզմամբ՝ խոշոր էներգետիկ նախագծերի իրականացումը եւ Հայաստանի էներգետիկ պոտենցիալի բարձրացումը եւս 500 մՎտ-ով կարող են նախադրյալներ ստեղծել էլեկտրաէներգիայի արժեքի իջեցման համար, ինչը լուրջ խթան կհանդիսանա տնտեսական այլ նախագծերի իրականացման համար։
Անդրադառնալով Հարկային օրենսգրքի փոփոխություններին՝ Բագրատյանը նկատեց, որ արդյունքները շոշափելի կլինեն 2020-ի սկզբին։ «ՀՆԱ աճը 7,1 տոկոսով, անշուշտ, լավ ցուցանիշ է, բայց մեզ ավելի շատ հետաքրքրում է այդ ցուցանիշի ներառականությունը, այլ ոչ թե պարզապես թիվը։ Կարեւոր է այն, որպեսզի այդ աճը անդրադառնա բնակչության խոցելի շերտերի վրա»,- ասել է նա։


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Վարչապետն ընդունել է Իրանի փոխնախագահի գլխավորած պատվիրակությանը
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)
Ծաղկունքում կասեցվել է հացաբուլկեղենի արտադրամասի գործունեությունը
Արարատ Միրզոյանը բարձր է գնահատել Էստոնիայի աջակցությունը Հայաստան-ԵՄ գործընկերության խորացմանը (տե...