«Իմ քայլը» խմբակցության պատգամավորը սպառնալիքներ է տեղացել դատական իշխանության ներկայացուցիչների հասցեին
«Իմ քայլը» խմբակցության պատգամավոր Արուսյակ Ջուլհակյանը կայքերից մեկին տված հարցազրույցում հայտարարել է, թե իրենք առաջիկայում «լուծելու են ՍԴ նախագահի հարցը» և այլ սպառնալիքներ է տեղացել դատական իշխանության ներկայացուցիչների հասցեին։
Դժվար է հավատալ, որ պատգամավորը տեղյակ չէ դատական իշխանությանն ուղղված ճնշումների, բացահայտ սպառնալիքների, դատական իշխանությունը զավթելուն օժանդակելու քրեաիրավական հետևանքներին: Կարծում եմ՝ խնդիրն այլ է. ներկայումս քաղաքական իշխանություն ունեցող ուժի ներկայացուցիչները չեն հավատում անձնական պատասխանատվության սկզբունքին, քանի որ այդ քաղաքական ուժի կողմից դատական իշխանությանն ուղղված ճնշումները համատարած բնույթ են կրում:
Կարծում եմ՝ հասունացել է անձնական պատասխանատվության անխուսափելիության սկզբունքի կիրառման երաշխիքներ ստեղծելով՝ այդ անձանց սթափեցնելու պահը:
Ուստի տեղեկացնում եմ, որ մենք նախաձեռնում ենք համարժեք գործընթաց՝ ընդդեմ «Իմ քայլ»-ի պատգամավոր Արուսյակ Ջուլհակյանի:
Մասնավորապես՝
1. Արձանագրելու ենք Ջուլհակյանի հայտարարությունը՝ համապատասխան քրեաիրավական հիմնավորումներով այն որակելով որպես [Սահմանադրական դատարանի] իշխանությունը զավթելուն հանցակցության դրսևորում (ՀՀ քրօր 300 հոդված), և Ջուլհակյանի կողմից պատգամավորական անձեռնմխելությունը կորցնելուց անմիջապես հետո հետամուտ ենք լինելու նրա քրեական պատասխանատվությանն այս կոնկրետ հանցադեպով:
2. Պատրաստելու ենք Ջուլհակյանի հակաիրավական հայտարարություններն արձանագրող նամակներ՝ իշխանությունների բաժանման սկզբունքը գետնին հավասարեցնող, իրավունքի գերակայության նկատմամբ իշխող քաղաքական ուժի իրական վերաբերմունքը բացահայտող վարքագծին միջազգային հեղինակավոր կազմակերպությունների ուշադրությունը հրավիրելու համար:
Օրենսդրի մանդատով օժտված՝ իշխող ուժի ներկայացուցիչները պետք է ավելի պարտավորեցված լինեն և ավելի պատասխանատու վերաբերվեն սեփական խոսք ու վարքին։ Դուք այլևս ձեր ՀԿ-ներում չեք աշխատում։


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կրկին ակտիվացել են ՆԳՆ անունից զեղծարարության փորձերը
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Միլանը հյուրընկալվել էր Ջենոային
Վարչապետն ընդունել է Իրանի փոխնախագահի գլխավորած պատվիրակությանը
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)