Արցախում մարդիկ նույնն են, ՀՀ-ում են փոխվել, ուրեմն լարվածությունն այս կողմից է. Լևոն Քոչարյան
Արցախի Անկախության 28-րդ տարեդարձի կապակցությամբ ՀՀ երկրորդ նախագահ, «Մարտի 1»-ի գործով կալանավորված Ռոբերտ Քոչարյանի աջակիցներն այցելել են «Եռաբլուր» զինվորական պանթեոն՝ հարգանքի տուրք մատուցելու զոհված հերոսների հիշատակին։
Ռոբերտ Քոչարյանի որդին՝ Լևոն Քոչարյանը ևս Եռաբլուրում է: Նա լրագրողների հետ զրույցում նախ շնորհավորեց Արցախի անկախության տոնի կապակցությամբ և ասաց. «Մենք տոնում ենք 28 տարին: Եթե 100 տարի էլ հետ գնանք, սա հայ ժողովրդի ունեցած ամենամեծ հաղթանակն է: Ես համամիտ եմ այն ձևակերպումների հետ, որ Արցախի ու ՀՀ նախկին նախագահ Ռոբերտ Քոչարյանն այս օրով կալանավորված է: Բայց իմ կողմից դա հնչեցնելը, քանի որ հորս մասին է խոսքը, գուցե այլ կերպ ընկալվի: Մենք բազմիցս ենք բարձրաձայնում, որ այն, ինչ կատարվում է, խայտառակություն է ու անթույլատրելի է՝ հատկապես հաշվի առնելով այդ մարդու դերը մեր պատմության, Արցախի անկախության և մեր շատ ձեռքբերումների համար»:
Ինչ վերաբերում է Արցախ-ՀՀ հարաբերություններում հնարավոր լարվածությանը, Լևոն Քոչարյանն ասաց, որ դա ակնհայտ է՝ շատ դրվագներ են եղել այդ լարվածությունը փաստող. «Իհարկե, ցավալի է, պետք է ամեն ինչ անել, որ այդ լարվածությունը չլինի, բայց դա նկատելի է: Դրա մասին խոսում են և՛ Արցախում, և՛ ՀՀ-ում, բայց ամեն ինչ պետք է անել, որ դա չլինի»:
Թեհրանը հավերժ կմնա Հորմուզի նեղուցի պահապանը․ Արաղչի
Իրանը հարվածներ է հասցրել Բահրեյնում գտնվող ամերիկյան բազային
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
Տեղի է ունեցել Երևանի «Ոսկե ծիրան» միջազգային 23-րդ կինոփառատոնի բացման հանդիսավոր արարողությունը
Քննարկվել են Հայաստանի ներգրավվածության հնարավորությունները
ՆԳՆ քրեական ոստիկանները Աջափնյակի գործով հետախուզվողների են հայտնաբերել. մանրամասներ
Ես չեմ ուզում հիմա բանակցել. Թրամփ
Երևանում շատ բարձր մակարդակի են մատուցողներին ներկայացվող պահանջները. Փաշինյան
ՀԷՑ-ը 2 միլիարդի հիմնանորոգում է իրականացնելու
Առաջիկա օրերին սպասվում է փոփոխական եղանակ․ ջերմաստիճանը կնվազի