«Ներդրողներին չպետք է նստեցնենք աջակցության վրա». Նիկոլ Փաշինյանը` Կոտայքում
Մեր քաղաքական առաջնային խնդիրներից մեկն է ապահովել այնպիսի պայմանններ, որոնք մեր արդյունաբերության եւ արդյունաբերողների մրցունակությունը կզարգացնեն: Այս մասին այսօր` օգոստոսի 17-ին, Ծաղկաձորում «Իմ քայլը հանուն Կոտայքի մարզի» բիզնես ֆորումի ժամանակ ասաց ՀՀ վարչապետ Նիկոլ Փաշինյանը:
«Մեր քաղաքական առաջնային խնդիրներից մեկն է ապահովել այնպիսի պայմանններ, որոնք մեր արդյունաբերության եւ արդյունաբերողների մրցունակությունը կզարգացնեն: Սա շատ կարեւոր եւ նուրբ աշխատանք է, որը մենք առաջիկայում պատրաստվում ենք անել: Այս աշխատանքը նուրբ է, որովհետեւ մենք արդյունաբերությանը եւ ներդրողներին աջակցելիս պետք է համոզված լինենք, որ իսկապես իրայկանացնում ենք նրանց ինստիտուցիոնալ կարողությունները ուժեղացնելու, հզորացնելու քաղաքականությունը եւ ոչ թե պարզապես նրանց, կներեք կոպիտ բառի համար, նստեցնում ենք աջակցության վրա մեծ հաշվով թուլացնելով նրանց մրցունակությունը, գործունակությունը եւ իսկապես ինստիտուցիոնալ առումով զարգանալու նրանց հնարավորությունները»,- ասաց Փաշինյանը:
Վարչապետի խոսքով` Կոտայքի մարզը շատ մեծ արդյունաբերական պոտենցիալ ունի, նաեւ այս ընթացքում էլ եղել են նվիրյալներ, խորհրդային ժամանակաշրջանի արդյունաբերական հզորությունների հիման վրա փոքր բջիջներ են ստեղծել. «Եւ ես ուզում եմ` այդ մարդկանց գնահատանքի խոսքեր ասենք, որովհետեւ կարող ենք ասել, որ արդյունաբերության ոլորտում էլ կան ակտիվիստներ եւ ֆանատներ, ովքեր բացի արդյունաբերությունից ուրիշ բան չեն ուզում տեսնել, ուրիշ բանի մասն չեն ուզում լսել եւ դա շատ կարեւոր հատկանիշ է: Իհակե, սա չի նշանակում, թե մենք որեւէ կերպ նսեմացնում ենք տնտեսության մյուս ճյուղերի նշանակությունը, կարեւորությունը»:
Փաշինյանի խոսքով` Կոտայքը շատ մեծ զբոսաշրջային պոտենցիալ ունի, այսօր Ծաղկաձորը Հայաստանի ամենակարեւոր զբոսաշրջային ուղղություններից մեկն է եւ իր կարծիքով` Կառավարության հաջորդ կարեւոր առաջնահերթությունը` զբոսաշրջությունը, նույնպես պիտի Կոտայքում զարգանա:
«Նաեւ բարձր տեխնոլոգիական ընկերություններ կան Կոտայքի մարզում եւ Կառավարությունը այս ուղղությամբ նույնպես քաղաքականություն է վարում, որպեսզի բարձր տեխնոլոգիական ընկերությունները ոտի տեղ անելու, ոտքի կանգնելու հնարավորություն ստանան եւ իհարկե արդյունաբերական գյուղատնտեսությունը նույնպես մեզ համար շատ կարեւոր է եւ Կոտայքի մարզն այստեղ էլ ունի մեծ պոտենցիալ: Արդյունաբերական գյուղատնտեսություն ասելով ի նկատի ունեմ, որ գյուղատնտեսության ՕԳԳ-ն պիտի ավելանա եւ սա ռազմավարական խնդիր է»,- հավելեց նա:
Իրանը հարվածներ է հասցրել Բահրեյնում գտնվող ամերիկյան բազային
Քննարկվել են Հայաստանի ներգրավվածության հնարավորությունները
Թեհրանը հավերժ կմնա Հորմուզի նեղուցի պահապանը․ Արաղչի
Ես չեմ ուզում հիմա բանակցել. Թրամփ
ՆԳՆ քրեական ոստիկանները Աջափնյակի գործով հետախուզվողների են հայտնաբերել. մանրամասներ
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
ՀԷՑ-ը 2 միլիարդի հիմնանորոգում է իրականացնելու
Տեղի է ունեցել Երևանի «Ոսկե ծիրան» միջազգային 23-րդ կինոփառատոնի բացման հանդիսավոր արարողությունը
Կենսաչափական նոր անձնագրերի տպագրության մեկնարկը տրված է
Առաջիկա օրերին սպասվում է փոփոխական եղանակ․ ջերմաստիճանը կնվազի