Վիճաբանություն և քաշքշուկ է տեղի ունեցել «Վան» ակումբի գործադիր տնօրենի և «Լոկոմոտիվ» ակումբի նախագահի միջև. միջամտել են ոստիկանները

SHAMSHYAN.com-ի տեղեկություններով՝ ոստիկանության Չարենցավանի բաժնի հետաքննչական բաժանմունքում նյութեր են նախապատրաստվում օգոստոսի 13-ին Կոտայքի մարզում տեղի ունեցած միջադեպի փաստով:

Ժամը 17:00-ից 19:00-ն ընկած ժամանակահատվածում Չարենցավանի համայնքային մարզադաշտում տեղի է ունեցել Հայաստանի ֆուտբոլի ֆեդերացիայի կողմից կազմակերպված Հայաստանի ֆուտբոլի 1-ին խմբի 2019 -2020 թթ առաջնության 2-րդ մրցափուլը:
Ինչպես հայտնում է ֆոտոլրագրող Գագիկ Շամշյանը, այդ ժամանակ հանդիպել են «Վան»-«Լոկոմոտիվ» ֆուտբոլային թիմերը:

Ժամը 18:50-ի սահմաններում խաղային իրադրության հետ անհամաձայնության պատճառով տեղի է ունեցել վիճաբանություն:

Այդ ժամանակ «Լոկոմոտիվ» ակումբի նախագահ, Երևանի բնակիչ Հրաչ Քանանյանը և «Վան» ակումբի գործադիր տնօրեն Գագիկ Գալստյանը վիճաբանել և քաշքշել են միմյանց:

Բարեբախտաբար, ոստիկանության Չարենցավանի բաժնի աշխատակիցները հետագա զարգացումները կանխել են:

Այս թեմայով Երևանում իրանցի 36-ամյա տղամարդը սպառնացել է ինքնահրկիզվել և փորձել է խոչընդոտել ԱԱԾ աշխատակիցների աշխատանքը Ռեստորանի մոտ կռիվ է տեղի ունեցել․ 5 վիրավոր կա Պայթյուն Վարդաշենի շենքերից մեկում. ընտանիքի անդամներ են հիվանդանոց տեղափոխվել Ջրվեժում բախվել են «Mercedes»-ը և «Opel Zafira»-ն. կան վիրավորներ Քաղցրաշեն գյուղում մտել են բնակչի տուն և գողացել մեծ թվով ոսկյա զարդեր և գումար․ պատճառվել է մոտ 6 մլն դրամի վնաս