Կնքել է սենյակը, ոստիկան կանգնեցրել և թույլ չի տվել դատավորին մտնել աշխատասենյակ
«Դավիթ Գրիգորյանի՝ որպես դատավոր, աշխատանքային գործունեության ընթացքում իր աշխատասենյակում կատարվել են մի շարք քննչական գործողություններ, և դրանք սկսվել են առանց նրա գիտության և առանց նրա համաձայնության, մինչդեռ օրենսդրությունը ուղղակի պահանջ է ներկայացնում ,որ դատավորին և ԲԴԽ-ին առնվազն մեկ օր առաջ համապատասխան գործողություն իրականացնող պաշտոնատար անձը իրազեկեր, տվյալ պարագայում հսկող դատախազը»,- այս մասին այսօր հայտարարեց դատավոր Դավիթ Գրիգորյանի փաստաբան Գեորգի Մելիքյանը։
Հիշեցնենք՝ հուլիսի 16-ին ՀՔԾ-ն քննչական գործողություններ էր կատարել դատավորի աշխատասենյակում։ Նշենք նաև, որ Գրիգորյանը այն դատավորն է, որ Ռոբերտ Քոչարյանին ազատ արձակելու որոշում կայացրեց․
«Դատավորը նման իրազեկում չի ստացել, հուլիսի 16-ին՝ ժամը 14։00-ի սահմաններում, նրա աշխատասենյակ է ներկայացել ՀՔԾ հատկապես կարևոր գործերով քննության վարչության քննիչ Խորեն Մեջլումյանը և առգրավում կատարելու մասին որոշման հիման վրա փորձել է կատարել համապատասխան քննչական գործողություն։ Վերջինս արգելել է դատավորի մասնակցությունը տվյալ գործողությանը։ Նույնիսկ այն առարկություններից հետո, որ առգրավման կանոնների համաձայն՝ այդ գործողությունները անպայման իրականացվի դատավորի մասնակցությամբ, քննիչը մասնակից է դարձրել տվյալ դատարանի այլ աշխատակցի, առրավել է տվյալ աշխատասենյակում գտնվող և դատարանի այլ համակարգիչներ, դրանից հետո քննիչը կնքել է դատավորի աշխատասենյակի դուռը։ Սա ունի շատ լուրջ իրավական հետևանքներ, քանի որ առանց դատարանի որոշման, այն ինչ սահմանված է ՀՀ Սամանադրության 32-րդ հոդվածի 3-րդ մասի ուղղակի պահանջն է, որ միայն դատարանի որոշման է հնարավոր նման դեպքերը, կնիքը հսկելու նկատառումներով ոստիկան է կանգնեցվել աշխատասենյակի դիմաց և թույլ չի տրվել դատավորին մուտք գործել տվյալ աշխատասենյակ»,- նշեց Մելիքյանը։
Նրա խոսքով՝ քննիչը ունեցել է 2 սենյակ խուզարկելու իրավունք, սակայն խուզարկել է նաև երրորդը, ուստի այնտեղից առգրավված փաստաթղթերը և կրիչները անօրինական ճանապարհով են առգրավվել․
«Մենք պահանջել ենք, որ մեզ ներկայացնեն դատարանի համապատասխան որոշումը, իսկ դրա բացակայության պայմաններում թույլ տալ, որ դատավորը մուտք գործի իր աշխատասենյակ, ոստիկանները արգելել են , դատարանի որոշում դատարանին չի ներկայացվել, դրանից հետո ներկայացել է քննիչը և ցանկացել է խուզարկության գործողություն կատարել։ Կրկին նա պահանջել է դատավորին հեռանալ, քանի որ նա չի մասնակցելու այդ խուզարկությանը։ Մենք առարկել ենք, ասեն ենք, որ աշխատասենյակի բանալին գտնվում է դատավորի մոտ, հետևաբար այն չենք ներկայացնի, եթե օրենքի խախտմամաբ պետք է դատավորին մերժեն։ Դրանից հետո քննիչը մոտ կես ժամ ինչ-որ անձանց հետ խորհրդակցեց, վերադարձավ ու ասաց, որ դատավորին թույլ տան մասնակցել գործողությանը, սակայն փաստաբանին՝ ոչ։ Մենք պահանջել ենք, որ այդ բոլոր հանգամանքները արձանագրվի։ Քննիչը կատարել է գործողություննեը՝ դատարանի որոշման հիման վրա, դատարանը թույլ է տվել խուզարկել 2 աշխատասենյակ, դա նշված է դատարանի որոշման մեջ՝ դատավորի և նրա օգնականի աշխատասենյակներում, այնինչ քննիչը նաև կատարել է 3-րդ աշխատասենյակի խուզարկություն առանց դատարանի որոշման՝ նիստերի քարտուղարի և գործավարի աշխատասենյակներում։ հատկանշական է, որ կրիչներն ու փաստաթղթերը, ըստ արձանագրության, ավելի շատ առգրավել են հենց այդ աշխատասենյակից, այսինքն՝ անօրինական»։
Իրանը հարվածներ է հասցրել Բահրեյնում գտնվող ամերիկյան բազային
Քննարկվել են Հայաստանի ներգրավվածության հնարավորությունները
ՆԳՆ քրեական ոստիկանները Աջափնյակի գործով հետախուզվողների են հայտնաբերել. մանրամասներ
Ես չեմ ուզում հիմա բանակցել. Թրամփ
Թեհրանը հավերժ կմնա Հորմուզի նեղուցի պահապանը․ Արաղչի
Անցած 1 օրում գրանցվել է 15 ավտովթար․ 1 մարդ զոհվել է, 20-ը՝ վիրավորվել
ՀԷՑ-ը 2 միլիարդի հիմնանորոգում է իրականացնելու
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
Կենսաչափական նոր անձնագրերի տպագրության մեկնարկը տրված է
Առաջիկա օրերին սպասվում է փոփոխական եղանակ․ ջերմաստիճանը կնվազի