Հրաչյա Ռոստոմյան․ Եթե այդ «երկար» նախարարությունը ՀԱՕԿ-ի որոշման հետ համամիտ չէ, կարող է դիմել Լոզանի դատարան
Եթե այդ «երկար» նախարարությունը ՀԱՕԿ-ի որոշման հետ համամիտ չէ, կարող է դիմել Լոզանի դատարան: Մենք պատրաստ ենք, քանի որ իրավաբանորեն որեւէ խախտում թույլ չենք տվել:
Այսպես ՀԱՕԿ գլխավոր քարտուղար Հրաչյա Ռոստոմյանը լրագրողների հետ զրույցում մեկնաբանեց ՀՀ կրթության, գիտության, մշակույթի և սպորտի նախարարության կոչը Հայաստանի բռնցքամարտի ֆեդերացիան ՀԱՕԿ-ի անդամակցությունից չզրկելու վերաբերյալ։
Հուլիսի 24-ին կայացած ՀԱՕԿ-ի արտահերթ ասամբլեայում Արթուր Գեւորգյանի ղեկավարած Հայաստանի բռնցքամարտի ֆեդերացիան հեռացվեց ՀԱՕԿ-ի անդամակցությունից, փոխարենը՝ ժամանակավոր անդամ դարձավ բռնցքամարտի հայկական ազգային ֆեդերացիան:
«Եթե իրավական տեսանկյունից նախարարությունը մեզ հետ համամիտ չի, կարող է դիմել դատարան: Ի դեպ, դատարան էլ միայն հնարավորություն ունեն դիմել Լոզանի մարզական արբիտրաժային դատարան: Խնդրեմ, պատրաստ ենք: Ես վստահ եմ, որ մենք որեւէ կետ չենք խախտել, քանի որ քննարկել ենք մեր իրավաբանների հետ:
Ինչ վերաբերում է այդ «երկար» նախարարության ասածին, կոչ են անում՝ քննարկել, համագործակցել: Մեկ տարի տեւում է այս ամենը: Եթե չեմ սխալվում հունիսի 1-ից է նշանակվել նախարարը, այս ընթացքում թող հնչեին համագործակցության առաջարկներ:
Չեմ հասկանում գլխավոր ասամբլեայից մեկ ժամ առաջ նախարարության հայտարարությունը, մանավանդ, երբ իմ հարաբերությունները նախարար Հարությունյանի հետ միշտ ջերմ են եղել: Նախարարի պաշտոնը ժամանակավոր է, ով պատասխանատու է նախարարություն այս հարցի համար, նա ժամանակին պետք է զեկուցած լիներ նախարարին խնդրի վերաբերյալ: Եթե ժամանակին նախարարը զեկուցված լիներ այս խնդրի մասին, այս հայտարարությունն այսօր չէր անի նախարարությունը: Ես այսօրվա իմ զեկույցում ներկայացրեցի 30 կետ, իրավական հիմք պարունակող կետեր: ՀԱՕԿ-ի որոշումը կարող է բողոքարկվել միայն դատարանով: Դիմեք դատարան: Մենք հայտարարել էինք, որ ԱԻԲԱ-ն պահանջում է նոր ընտրություններ, բայց այդ ընտրություններ չկայացան եւ ԱԻԲԱ-ն որեւէ կերպ չարձագանքեց դրան, քանի որ ԱԻԲԱ-ի «գլուխը խառն է» եւ այս պահին Հայաստանի խնդրով զբաղվելու ժամանակը չի»,- ասաց Հրաչյա Ռոստոմյանը։


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)
Վարչապետն ընդունել է Իրանի փոխնախագահի գլխավորած պատվիրակությանը
Իսրայելի նոր կառավարությունը կձևավորի ընդդիմադիր «Յաշար» կուսակցության առաջնորդ Գադի Այզենկոտը
Արարատ Միրզոյանը բարձր է գնահատել Էստոնիայի աջակցությունը Հայաստան-ԵՄ գործընկերության խորացմանը (տե...