Ես չեմ ուզում ասել, որ նախկին ոստիկանապետերը վատն են եղել, ամենապուպուշը ես եմ. Օսիպյան

Այսօր ոստիկանությունն էլ ավելի պատրաստակամ է, էլ ավելի դուխով է, էլ ավելի հանդուրժող չէ, կաշկանդված չէ, ուժեղ է, բայց միաժամանակ, այո անպաշտպան է: Այս մասին, այսօր՝ հուլիսի 24-ին, լրագրողների հետ հանդիպման ժամանակ նշեց ՀՀ ոստիկանապետ Վալերի Օսիպյանը:

Այո, անթույլատրելի եմ համարում ոստիկանին վիրավորելը, նրան չենթարկվելը, քաշքշելը եւ մնալ անպատիժ: Սա օրենսդրական բաց է եւ միշտ եղել է անպատիժ»,-ասաց նա:

Օսիպյանը հերքեց տեսակետը, թե ոստիկաններն այսօր վախենում են, դրա համար են շատացել նրանց հանդեպ բռնության դեպքերը. «Չկա նման բան, վախեցող ոստիկանը մեկ տարի սահման կպահի՞, վախկոտ ոստիկանը կարո՞ղ է այդպես պատվով պաշտպանել սահմանը: Ես չեմ ուզում ասել, որ նախկին ոստիկանապետերը վատն են եղել, ամենապուպուշը ես եմ, ոչ: Քանի կա հանցագործություն, լինելու է ոստիկան-հանցագործ բախումը: Ինչի նախկինում ոստիկանի գլուխ չե՞ն ջարդել, նախկինում ոստիկան չե՞ն սպանել օրը ցերեկով: Դա միշտ եղել է, բայց այս մեկ տարվա մեջ ոստիկանությունն օպերատիվ իրավիճակին լիովին տիրապետում է, ունի համապատասխան կամք եւ սկզբունք՝ պայքարել արատավոր երեւույթների դեմ»,-ընդգծեց նա: