«Թեժ աշունը» կարծես տեղափոխվում է թեժ ամառ
«Իրատես» թերթը գրում է.
Գունավոր հեղափոխությունների ամենամեծ հմայքն այն է, որ կարողանում է ամեն բան գլխի վրա շուռ տալ` ոչ մի բանի առջև չկանգնելով, և իր ցանկացած քայլ ներկայացնել որպես «դարի նվաճում», որ արվել է հանուն դեմոկրատիայի, ազատության, մարդու իրավունքների համար մղվող սրբազան պատերազմ է:
Որտե՞ղ է անցել այդ դպրոցը Նիկոլ Փաշինյանը. որ ոչ մի բանի առջև չկանգնելով հեղափոխության ողջ մարշալ պլանը կյանքի է կոչում` առանց բարոյական դույզն իսկ ներհայացի: Վերջին երկու օրերին, անգամ իր նկատմամբ Իջևանում ցուցանված տեկտոնական անհնազանդության առաջին լուրջ հակազդեցություններից հետո, նա շարունակում է հավատարիմ մնալ «սորոսյան» արժեքներին:
Այսպես, նախորդ օրը ԵՊՀ-ում. կանոնակարգի ամենակոպիտ խախտումներով լուծարվեց ուսանողների հետ աշխատանքի կենտրոնը, որովհետև հիշյալ կենտրոնն ուներ 1/3 հնարավորություն` ԵՊՀ խորհրդի որոշումներին համաձայնություն չտալու, որպեսզի սեփականաշնորհվի Բյուրականի գիտաարտադրական «հանգույցը», և հարմարավետ «տեղակայվի» խորհրդի նախագահ Գևորգ Մուրադյանի «գրպանում», կենտրոնի նոր ղեկավար դառնա սորոսականներից ամենակարկառունը` «Ռեստարտի» Դավիթ Պետրոսյանը, իսկ որ ամենակարևորն է, ռեկտոր դառնա սորոսական փողերով գերեզմանների մասին գրքեր գրած «Իմ քայլի» պատգամավոր Հովհաննես Հովհաննիսյանը:
Ասել է՝ կրթական ոլորտի «ալֆան» և «օմեգան»՝ ԵՊՀ-ն, այդ կենտրոնի լուծարմամբ, մեկընդմիշտ «պաշարվեց», երկրում առանց այն էլ հեղափոխությամբ լրջորեն դեգրադացված մենթալ պլանն էլ ավելի դեգրադացնելով՝ նախապատրաստելով Ստամբուլյան կոնվենցիային:
Ընդ որում, իջևանյան «հայրենի օջախում» տեղի ունեցածից դասեր քաղելու փոխարեն (այն, ի դեպ, շղթայական էֆեկտով առաջիկայում տարածվելու է մնացած մարզերով՝ ամեն տեղ ունենալով իր «սպեցիֆիկ» անտինիկոլիզմի դրսևորումները, առաջիկայում արդեն Սևանում՝ լճի ու «հարակից» խնդիրների հետ կապված ճամփան կփակվի), Նիկոլի վարչակազմը, որը հենց փողոց փակելով է հասել ԵՊՀ-ի, պառլամենտի, կառավարության «փակմանն» ու իր պատկերով «բացելուն», կրկին ստիպված կլինի ոստիկանական կենդանի պատնեշներ կանգնեցնել «իմ ժողովրդի» առջև՝ բոլոր հետևանքներով հանդերձ:
Սակայն այդպես երկար շարունակել հաստատապես անհնար կլինի, մանավանդ որ «թեժ աշունը» կարծես տեղափոխվում է թեժ ամառ:
Նյութն ամբողջությամբ կարդացեք թերթի այսօրվա համարում:
Իրանը հարվածներ է հասցրել Բահրեյնում գտնվող ամերիկյան բազային
Քննարկվել են Հայաստանի ներգրավվածության հնարավորությունները
ՆԳՆ քրեական ոստիկանները Աջափնյակի գործով հետախուզվողների են հայտնաբերել. մանրամասներ
Ես չեմ ուզում հիմա բանակցել. Թրամփ
Թեհրանը հավերժ կմնա Հորմուզի նեղուցի պահապանը․ Արաղչի
Անցած 1 օրում գրանցվել է 15 ավտովթար․ 1 մարդ զոհվել է, 20-ը՝ վիրավորվել
ՀԷՑ-ը 2 միլիարդի հիմնանորոգում է իրականացնելու
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
Կենսաչափական նոր անձնագրերի տպագրության մեկնարկը տրված է
Առաջիկա օրերին սպասվում է փոփոխական եղանակ․ ջերմաստիճանը կնվազի