Սեւանա լճի ծաղկման մակարդակը նվազել է. նախարար
Սեւանի ծաղկման մակարդակը նվազել է, եւ հիմա ջրի մակարդակն արդեն 1 սանտիմետր բարձր է, քան անցած տարի։ Այս մասին հուլիսի 11-ին մամուլի ասուլիսում ասաց Հայաստանի շրջակա միջավայրի նախարար Էրիկ Գրիգորյանը։
Նրա խոսքով՝ լճերի մաքրման ծրագրի համար հատկացվել են լրացուցիչ միջոցներ։ Այս տարի 25 մլն քառակուսի մետր ջուր քիչ է վերցվել, քան անցած տարի, իսկ Արփա գետից լիճ է բաց թողնվել 5 մլն խորանարդ մետրով ավելի ջուր։ Սպասվում է, որ այդ թիվը կբարձրանա։
Գրիգորյանը հավաստիացրել է, որ եթե անգամ Սեւանից ջուր վերցվի եւ չավելացվեն լիճն աղտոտող աղբյուրները, միեւնույն է, պետք է լրացուցիչ աշխատանք կատարել։ «Ներկա պատկերը նախկին իշխանությունների ոչ ճիշտ կառավարման արդյունքն է։ Պետությունը միջոցներ էր հատկացնում, բայց աշխատանքներ չեն իրականացվել։ Արդեն հիմա խախտվել է հավասարակշռությունը, որը պետք է վերականգնել։ Ընդ որում՝ մանրակրկիտ հետազոտություններից հետո աշխատանքներն իրականացվում են արտակարգ ռեժիմով»,- նշել է պաշտոնյան, որն արդեն մեկ տարի գլխավորում է գերատեսչությունը։
Նախարարն ընդգծել է, որ բոլոր ծրագրերն իրականացվում են ի հաշիվ գրանտների, առանց վարկերի ներգրավման։ «Միեւնույն ժամանակ, մենք պատրաստ ենք համագործակցել նաեւ անկախ փորձագետների եւ կազմակերպությունների հետ, որոնք իրապես մտահոգված են Սեւանի ճակատագրով եւ նեղ բիզնես-շահեր չեն հետապնդում»,- ամփոփել է Էրիկ Գրիգորյանը։
Հիշեցնենք, որ հայ գիտնականները քանիցս բողոքել են նոր իշխանությունների կողմից Սեւանա լճի վիճակի մասին հետազոտությունների ֆինանսավորումը դադարեցնելուց։


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)
Վարչապետն ընդունել է Իրանի փոխնախագահի գլխավորած պատվիրակությանը
800-ամյա Շնադից դղյակը վաճառքի է հանվել ընդամենը 1 եվրոյով
Իսրայելի նոր կառավարությունը կձևավորի ընդդիմադիր «Յաշար» կուսակցության առաջնորդ Գադի Այզենկոտը