Արտոնություն՝ «Ջերմուկ գրուպ»-ին. կստեղծվի 11 նոր աշխատատեղ՝ 350 հազար դրամ միջին աշխատավարձով

Կառավարությունն այսօր արտոնություն տվեց «Ջերմուկ գրուպ» ընկերությանը:

Ընկերության կողմից ներմուծվող ապրանքներն օգտագործվելու են ընկերության արտադրանքը արտահանելու նպատակով:

Նախատեսվում է ծրագրի շրջանակում իրականացնել 281,464,726 ՀՀ դրամի ներդրում ապրանքների ձեռքբերման համար:

Նախատեսվում է ներդրումային ծրագրի շրջանակում ստեղծել 11 նոր աշխատատեղ՝ 350,000 ՀՀ դրամ միջին աշխատավարձով։

Ծրագրով նախատեսված արտադրանքի ընդհանուր ծավալը կկազմի 640 մլն ՀՀ դրամ, որից 25 մլն ՀՀ դրամի արտադրանքը կիրացվի ՀՀ տարածքում, 590 մլն ՀՀ դրամի արտադրանքը` ԵԱՏՄ այլ անդամ երկրների տարածքում, 25 մլն ՀՀ դրամի արտադրանքը` երրորդ երկրների տարածքում:

Արտոնություն ստանալու համար ներկայացված ապրանքների արժեքը կազմում է 281,464,726 ՀՀ դրամ: Մաքսատուրքի ազատման արտոնությունը կազմում է 26,656,346 ՀՀ դրամ:

Ներմուծվող ապրանքները չեն ներմուծվում ԵԱՏՄ անդամ-երկրներից, քանի որ չեն բավարարում ընկերության տեխնիկական պահանջներին։