Գեղարքունիքում սատկած կովերի տերերը հատուկ են կենդանիներին տարել լճի ափ. նախարարի վարկածը

Գեղարքունիքի մարզում սատկած կովերի տերերին խորհուրդ են տվել կենդանիներին մոտեցնել լճին` ենթադրելով, որ այդ դեպքում պետությունը փոխհատուցում կտրամադրի:

Այսօր ԱԺ նիստում հայտարարեց Շրջակա միջավայրի նախարար Էրիկ Գրիգորյանը` հերքելով այն վարկածը, թե կովերի անկման պատճառը կապտականաչ ջրիմուռներով լցված Սևանի ջուրն է եղել:

«ՍԱՊԾ-ն պարզաբանում տվեց, որ դա առվույտի հետ կապված էր, և ըստ մեր տեղեկատվության՝ գյուղացիներին ուղղակի խորհուրդ են տվել, որպեսզի կենդանիներին մոտեցնեն լիճն ու տեղեկացնեն, որ դա ջրից է եղել` նախատեսելով, որ պետությունը որոշակի փոխհատուցում կտրամադրի այդ պայմաններում»,- ասաց Գրիգորյանը:

Հիշեցնենք, ՍԱՊԾ-ն դեռ չի ավարտել կովերի անկման պատճառները պարզելու համար իրականացվող լաբորատոր փորձաքննությունն ու առայժմ չի հրապարակել դրա արդյունքները: Հիշեցնենք նաև, որ հուլիսի 5–ին տեղեկություն ստացվեց, որ Սևանի ափին կովերի անկման դեպք է գրանցվել` սատկել է 4 գլուխ կով։

Աղբյուրը՝ armeniasputnik.am

Բաժանորդագրվեք Top-News.am-ին Telegram-ում