ԱԺ իշխող խմբակցությունում շատ կան պատգամավորներ, որոնք իրենց սեռական կողմնորոշմամբ հայ ավանդական կողմնորոշմանը հարիր չեն

Այսօր Մարգարիտ Եսայան-Ազատ Արշակյան բանավեճի ընթացքում խոսելով Ստամբուլյան կոնվենցիայի մասին՝ Եսայանը դիմեց Արշակյաին՝ ասելով.«Գովեք վարչապետին, ասեք, թե Նիկոլն ուզում է միասեռ ամուսնություններ բերել, ուզում է՝ տղա-աղջիկ չլինեն, ուզում է, որ Ձեր թոռնիկը ծնվի, Դուք չգրեք՝ ինքը տղա է: Թոռնիկը 16 տարեկան կդառնա, նոր կորոշի՝ տղա՞ է, թե՞ աղջիկ: Դա է Ստամբուլյան կոնվենցիան: Ինքն ուզում ՝ ԼԳԲՏ ամուսնություններն օրինական դառնան»:

Լրագրողների դիտարկմանը, թե կոնվենցիան ստորագրվել է նախորդ իշխանության ընթացքում, ՀՀԿ նախկին պատգամավորն ասաց.«Երբ որևէ պետություն դառնում է Եվրոպայի խորհրդի անդամ, այնտեղ որոշակի պարտավորություններ կան, այդ թվում նաև՝ այս կոնվենցիան: Մենք և անձամբ ես, ամենի ինչ արել ենք այս կոնվենցիայի վավերացումը հետաձգելու համար: Բազմաթիվ երկրներ դա ստորագրել, բայց չեն վավերացրել: Մենք անընդհատ փորձել ենք դա համապատասխանեցնել մեր մենթալիտետին, մեր հայկական հոգեկերտվածքին, ասել, որ այնքան հարիր չէ, որ դեռ ժամանակը չէ: Ստորագրումը չի նշանակում, որ այդ կոնվենցիան այլևս մտած է ուժի մեջ, և պետության, կառավարության, հասարակության, ժողովրդի համար պարտադիր իրամստ ունի»:

Եսայանը նաև հավելեց, որ անցյալ տարվա փետրվարին նախագիծը մտել է խորհրդարան, որ ստորագրվի, բայց իրենց խմբակցությունը միտումնավոր քվորում չի ապահովել, որպեսզի այն չըդունվի և չդառնա օրենք:

«Այսօր արդեն, երբ Նիկոլ Փաշինյանը հայտարարում է, թե ժողովրդի ուժով է եկել իշխանության, խաբում է: Նա իշխանության է եկել ԼԳԲՏ-ների, տարբեր աղանդների, կրոնական տարբեր-տարբեր կազմակերպությունների, գերտերությունների «դաբրոյով», և հիմա հանձնարարականներից մեկն էլ Ստամբուլյան կոնվենցիայի վավերացումն է: Ինքը հիմա ամեն ինչ անելու է, որ վավերացումը տեղի ունենա: ԱԺ իշխող խմբակցությունում շատ կան պատգամավորներ, որոնք իրենց սեռական կողմնորոշմամբ հայ ավանդական կողմնորոշմանը և, առհասարակ, Աստծու ստեղծած մարդկային կողմնորոշմանը հարիր չեն, և հենց իրենք էլ ամեն ինչ կան՝ վավերացումն իրականություն դարձնելու համար»,-ասաց Մարգարիտ Եսայանը: