Աղբահանության խնդրի հիմնավոր լուծումը կլինի առաջիկա 1-2 ամսվա ընթացքում. սպասում ենք եւս 19 աղբատարների. Մամուլի խոսնակ
Քաղաքն աղբի մեջ կորած չէ, քաղաքում կա աղբահանության խնդիր եւ աղբահանության համար պատասխանատու «Սանիթեք» ընկերությունը պատշաճ չի իրականացնում իր գործառույթները: Այս մասին, այսօր՝ հուլիսի 8-ին, Երեւանի քաղաքապետարանի դիմաց լրագրողների հետ զրույցում նշեց Երեւանի քաղաքապետւի մամուլի խոնակ Հակոբ Կարապետյանը:
Նրա խոսքով, դրա համար քաղաքային իշխանությունը ձեռնարկել է աղբահանությունը սեփական ուժերով կազմակերպելու այլընտրանքային՝ երկրորդ օպերատորն ունենալու տարբերակը, որն այս պահին համայնքային հիմնարկն է. «Համայնքային հիմնարկն այս պահին համալրվում է տեխնիկայով եւ աղբամաններով եւ մարդկային ռեսուրսներով, որ իրացնի իր գործառույթը»:
Նա անդրադարձավ այսօր առավոտյան քաղաքապետարանի մոտ տեղի ունեցած բողոքի ակցիային եւ միջադեպին, երբ մի խումբ քաղաքացիներ աղբով լի տոպրակները բերեցին եւ թափեցին քաղաքապետարանի շենքի մոտ: Դրանից հետո մի քանի մարդ բերման ենթարկվեց ոստիկանություն:
Այս առնչությամբ, Հակոբ Կարապետյանն ասաց. «Այսօր տեղի է ունեցել ինչ-որ «պերֆորմանս» մի քանի քաղաքացիների կատարմամբ: Թե որքանով է դա իրավաչափ, դրա գնահատականը կտան իրավապահները: Ամեն դեպքում, չեմ կարծում, որ դրա հասցեատերը Երեւանի քաղաքապետարանն է:
Քաղաքապետարանը կատարում է իր գործառույթները, նախ իր ձեռքի տակ եղած իրավական գործիքներով ստիպելով «Սանիթեքին» կատարել իր պարտականությունները կամ սանկցիաների ենթարկել այդ ընկերությանը պատշաճ չկատարած պարտավորությունների համար, մյուս կողմից ձեռնարկելով գործողություններ այլընտրանքային լուծումներ գտնելու համար»:
Նրա խոսքով, քաղաքապետարանը կառավարության թույլտվությամբ ուղիղ գնմամբ հրատապության կարգով ձեռք է բերել 5 աղբատար մեքենա, որոնք նշանակալի օգնություն են ներկայացնում, որովհետեւ թույլ են տալիս, որ վիճակը մնա կայուն, բայց ոչ բավարար:
«Համենայնդեպս աղբի կոլապսի ականատես չենք լինում այդ մեքենաների շնորհիվ:
Բացի դրանից քաղաքապետարանը ձեռք է բերել եւ սպասում ենք եւս 19 աղբատար մեքենաների, որոնք ըստ պայմանագրի մատակարարը կարող է տեղ հասցնել սեպտեմբերին, բայց ամեն ինչ արվում է, որ հնարավորինս շուտ լինեն: Բանավոր պայմանավորվածություններ կան: Ակնկալվում է, որ ամսվա ընթացքում այդ խմբաքանակի մի մասը կգա: Մենք ակնկալում ենք աղբահանության խնդրի հիմնավոր լուծումը առաջիկա 1-2 ամսվա ընթացքում»,-ընդգծեց մամուլի խոսնակը:


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)
Վարչապետն ընդունել է Իրանի փոխնախագահի գլխավորած պատվիրակությանը
Ծաղկունքում կասեցվել է հացաբուլկեղենի արտադրամասի գործունեությունը
Արարատ Միրզոյանը բարձր է գնահատել Էստոնիայի աջակցությունը Հայաստան-ԵՄ գործընկերության խորացմանը (տե...