Հայկական ուժերը երբեք որեւէ գործողությունում պատերազմական հանցագործություն թույլ չեն տվել
Անհասկանալի է՝ Հայաստանի Հանրապետության Վարչապետի կցկտուր պատասխանը հայտնի հարցազրուցավար Ստեֆան Սակուրին, երբ վերջինս ուղղակիրորեն մեղադրեց մեզ Արցախում 1980 եւ 1990֊ականներին մարդու իրավունքների կոպիտ խախտումներ եւ պատերազմական հանցագործություններ կատարելու մեջ՝ առաջարկելով Վարչապետին ներողություն խնդրել։ Այս մասին ֆեյսբուքյան իր էջում գրել է ԼՀԿ ղեկավար Էդմոն Մարուքյանը։
Նա, մասնավորապես, գրել է.
«Հայկական ուժերը երբեք որեւէ գործողությունում պատերազմական հանցագործություն թույլ չեն տվել։
Անհասկանալի է՝ Հայաստանի Հանրապետության Վարչապետի կցկտուր պատասխանը հայտնի հարցազրուցավար Ստեֆան Սակուրին, երբ վերջինս ուղղակիրորեն մեղադրեց մեզ Արցախում 1980 եւ 1990֊ականներին մարդու իրավունքների կոպիտ խախտումներ եւ պատերազմական հանցագործություններ կատարելու մեջ՝ առաջարկելով Վարչապետին ներողություն խնդրել։
Վարչապետը ոչ միայն պետք է հստակ արձագանքեր ու ի լուր ամբողջ աշխարհի բացառեր հայկական ուժերի կողմից նման գործողությունների կատարումը, այլ նաեւ հիշեցներ ադրբեջանական ուժերի կողմից Արցախյան պատերազմի սկզբում եւ ընթացքում, ինչպես նաեւ բոլորովին վերջերս 2016 թվականին քաղաքակիթ աշխարհի աչքի առաջ Ապրիլյան պատերազմի ժամանակ տեղի ունեցած գլխատումների, խոշտանգված դիակների, աշխարհում ճանաչված ահաբեկչական կազմակերպությունների անդամների կողմից հայ խաղաղ բնակչյության նկատմամբ իրականացված վայրագությունների, քաղաքացիական անձանց եւ տարեցների սպանությունների, Գուրգեն Մարգարյանի գլխատման եւ հերոսացման դեպքը։
Այս ամենի մասին մենք պետք է անդադար եւ բոլոր հարթակներում բարձրաձայնենք, բաց չթողնենք ոչ մի հնարավորություն եւ չկարկամենք, երբ մեզ մեղադրում են ինչ֊որ իրավախախտում թույլ տալու մեջ։
Այլապես, երբ ամբողջ աշխարհով մեծ դիտում ունեցող հաղորդման շրջանակներում պատերազմական հանցագործություն կատարածին դարձնում են զոհ, կարծես՝ փորձում են մաքրել նրա վրայից պատասխանատվության հետեւանքները՝ այն տարածելով իր բնօրրանի համար պայքարողների վրա։
Պետք է այս հարցում հստակ լինել ու հստակ պատասխանել՝ Ադրբեջանի գործող իշխանությանը հավասարեցնելով իսլամական պետություն ահաբեկչական կազմակերպության ոճի պատերազմներ վարող պետության մակարդակին»։
Աշխարհի ամենահայտնի Խորհրդարանական ծեծկռտուքները (ֆոտոշարք)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
25-օրյա վարժական հավաքները դեռ կայացման ճանապարհ ունեն, անելիք ունենք
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք