Այնտեղ այնքան ուրան կա, որ ոչ մեկ չգիտի. Գնդեվազ գյուղի բնակիչը՝ Ամուլսարի հանքի մասին

Մեր գյուղը հազար տարեկան կա, գյուղը կյանքում չի փոխվի, ուզում ես Փաշինյան գա, ուզում ես Ամերիկայի թագավոր գա... թուրքերը չեն կարողացել մեր գյուղը տեղից շարժել, հիմա երկու լակոտ եկել են, ուզում են խառնել իրար: Այս մասին Tert.am-ի հետ զրույցում ասաց Գնդեվազ գյուղի բնակիչ Խաչիկ Հարությունյանը՝ անդրադառնալով Ամուլսարի հանքի շահագործման հարցին:

Նա նշեց, որ 7 տարի Ամուլսարի շրջանում աշխատել է Արփա-Որոտան թունելի կառուցման շրջանակում և գիտի այնտեղ ինչ կա. «Այնտեղ այնքան ուրան կա, որ ոչ մեկ չգիտի, իզուր ժողովրդին ոտքի են հանել, խառնել իրար: Այդտեղի ոսկիները անգլիացիները, ամերիկացիները տարել են, այնտեղ ոսկի չկա»:

Ինչ վերաբերում է աշխատատեղերի հարցին, ապա Խաչիկ Հարությունյանն ասաց, որ սուտ է, որ ասում են, թե աշխատանք չկա՝ եթե մարդ ցանկանա, կգտնի աշխատանք. «Հանքը որ մի հատ պայթեցնում էին, մեր մեքենան այստեղ կանգնած էր լինում և մեծ շերտով փոշի էր նստում, արդեն գիշերն էին պայթեցնում, որ ժողովուրդը ձայն չհանի»,-ասաց նա: