Աշխատող ուսանողների ուսման վարձը եկամտային հարկով կփոխհատուցվի միայն մագիստրատուրայի դեպքում
Աշխատող ուսանողների ուսման վարձը եկամտային հարկով փոխհատուցելու մասին օրենսդրական նախաձեռնությունը, քանի որ հեղափոխական է, սկզբնական շրջանում առաջարկում ենք կիրառել միայն մագիստրատուրայի դեպքում։ Այսօր ԱԺ-ում լրագրողների հետ զրույցում նման տեսակետ հայտնեց ԱԺ պետական-իրավական հարցերի մշտական հանձնաժողովի անդամ, «Իմ քայլը» խմբակցության պատգամավոր Սիսակ Գաբրiելյանը։ Ըստ նրա՝ միայն մագիստրատուրայի վրա կիրառելը թույլ կտա նաև հասկանալ, թե պրակտիկայում օրենքն ինչ կիրառություն կունենա։
«Հետագայում, եթե հնարավոր լինի «Կրթության մասին» օրենքի շրջանակում նոր փոփոխություն անել, ապա գուցե կիրառվի նաև բակալավրիատում, եթե բակալավրիատում փոփոխություն լինի, ճկուն դասագրաֆիկ լինի և այլն, բայց այս պահին մագիստրատուրայի ու ասպիրանտուրայի համար է։ Կարծում ենք՝ մագիստրատուրայի դեպքում մեր երիտասարդները գիտակցված ընտրություն են կատարում»,- ասաց նա։
Պատգամավորը համակարծիք չէ, որ նախագծում խտրական վերաբերմունք կա։ Նրա խոսքով՝ խտրականություն կլիներ, եթե իրենք ասեին, որ ուսման վարձը եկամտային հարկով փոխհատուցելու են ոչ բոլոր ուսանողներին։
«Խտրականություն կլիներ, եթե ասեին, որ օրենքը վերաբերում է, օրինակ՝ միայն ինժեներներին, իսկ օրենքը բոլոր աշխատող ուսանողներին է վերաբերում, այս դեպքում խտրականությունը չեմ հասկանում»,- ընդգծեց Սիսակ Գաբրիելյանը։
Որակական շեմի հետ կապված էլ պատգամավորը նշեց, որ այդ հարցերը թողել են Կառավարության կարգավորմանը։
Ես չեմ ուզում հիմա բանակցել. Թրամփ
ՆԳՆ քրեական ոստիկանները Աջափնյակի գործով հետախուզվողների են հայտնաբերել. մանրամասներ
Անցած 1 օրում գրանցվել է 15 ավտովթար․ 1 մարդ զոհվել է, 20-ը՝ վիրավորվել
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
Երևանում շատ բարձր մակարդակի են մատուցողներին ներկայացվող պահանջները. Փաշինյան
ՀԷՑ-ը 2 միլիարդի հիմնանորոգում է իրականացնելու
Առաջիկա օրերին սպասվում է փոփոխական եղանակ․ ջերմաստիճանը կնվազի
Կենսաչափական նոր անձնագրերի տպագրության մեկնարկը տրված է
ԱՄՆ-ը 7 ժամ շարունակ հարվածներ է հասցրել Իրանին և վերականգնել ծովային շրջափակումը
Կառավարությունը սկսում է ԹՐԻՓՓ-ի վավերացումը. փաստաթուղթը կուղարկվի ՍԴ