Անշուշտ, քաղաքական էր, չի կարող քաղաքական չլինել. Ա. Զեյնալյանը՝ Վ. Գրիգորյանին ՍԴ անդամի թեկնածու առաջադրելու մասին
Արդարադատության նախարար Արտակ Զեյնալյանը համակարծիք չէ, որ ՀՀ նախագահ Արմեն Սարգսյանի՝ ՍԴ անդամի համար Վահե Գրիգորյանի թեկնածության առաջադրումն իրավական խնդիր է առաջացնում։ Նա ԱԺ-ում լրագրողների հետ զրույցում նշեց, որ Վահե Գրիգորյանին 2-րդ անգամ առաջադրելու սահմանադրական արգելք չկա։
«Կարծում եմ՝ սահմանադրական այդպիսի արգելք չէր կարող լինել, որովհետև այն կհակասեր մարդու իրավունքներին»,- ասաց նա։
Արտակ Զեյնալյանը, անդրադառնալով տեսակետներին, թե Վահե Գրիգորյանի առաջադրումը նախագահականի վրա ճնշման արդյունք է, ասաց․ «Ինստիտուտները կարող են միմյանց նկատմամբ ազդեցություն ունենալ՝ տարբեր դրսևորումներով, և այն փափուկ է և իրավաչափ, հարիր է քաղաքական մշակույթին, եթե այդպիսին գնահատվում է առաջադրված թեկնածուներին դեմ քվեարկելը»։
Նախարարը չբացառեց, որ ԱԺ-ի կողմից ՍԵԴ անդամի թեկնածությունների մերժումը, և հետագայում նախագահի կողմից Վահե Գրիգորյանի առաջադրումը քաղաքական որոշում էր։
«Իհարկե, իրավաքաղաքական որոշում էր, անշուշտ, քաղաքական էր, չի կարող քաղաքական չլինել»,- շարունակեց Արտակ Զեյնալյանը։
Ինչ վերաբերում է Վահե Գրիգորյանի մասնագիտական պոտենցիալին, նախարարը շեշտեց, որ Գրիգորյանը լավագույն իրավաբաններից է։
«Վահե Գրիգորյանին ճանաչում եմ, իրավունքի կատեգորիաներով մտածող անձնավորություն է։ Կարծում եմ, որ անաչառ է, կաշկանդված չէ որևէ կարգավիճակով, նա լավագույն իրավաբաններից մեկն է»,- եզրափակեց Արտակ Զեյնալյանը։
Ես չեմ ուզում հիմա բանակցել. Թրամփ
ՆԳՆ քրեական ոստիկանները Աջափնյակի գործով հետախուզվողների են հայտնաբերել. մանրամասներ
Անցած 1 օրում գրանցվել է 15 ավտովթար․ 1 մարդ զոհվել է, 20-ը՝ վիրավորվել
Երևանում շատ բարձր մակարդակի են մատուցողներին ներկայացվող պահանջները. Փաշինյան
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
ՀԷՑ-ը 2 միլիարդի հիմնանորոգում է իրականացնելու
Կառավարությունը սկսում է ԹՐԻՓՓ-ի վավերացումը. փաստաթուղթը կուղարկվի ՍԴ
Առաջիկա օրերին սպասվում է փոփոխական եղանակ․ ջերմաստիճանը կնվազի
Կենսաչափական նոր անձնագրերի տպագրության մեկնարկը տրված է
ԱՄՆ-ը 7 ժամ շարունակ հարվածներ է հասցրել Իրանին և վերականգնել ծովային շրջափակումը