ԵՊՀ ռեկտորի ժ/պ-ն հանձն է առել ազատվել սորոսական ՀԿ-ներին բուհում գործունեություն ծավալելը խոչընդոտողներից

«Փաստ» երթը գրում է.

«Լուրեր են շրջանառվում, որ ԵՊՀ ռեկտորի ժ/պ Գեղամ Գևորգյանը իշխանությունների առջև հանձնառություն է ստանձնել ազատվել մի շարք կադրերից, մասնավորաբար, ըստ տեղեկությունների, առաջին քայլերից մեկը կլինի ԵՊՀ ուսանողների հետ տարվող աշ­խատանքների կենտրոնի տնօրեն Վահագն Վարագյանին աշխատանքից ազատելը:

Մեր ունեցած տեղեկությունների համաձայն, պատճառը Սորոսի հիմնադրամի վերջնա­գիրն է: Խնդիրն այն է, որ Վահագն Վարագյանը, ի պաշտոնե զբաղվելով ԵՊՀ ակտիվ ուսանողական խմբերի հետ աշխատանքով, թույլ չի տվել Սորոսի ֆինանսավորած հ/կ-ներին գործունեություն ծավալել ԵՊՀ-ում: Մեր աղբյուրները նշում են, որ մասնավորաբար «Ռեստարտ» նախաձեռնությունը ԵՊՀ-ում տապալվել է հենց Վարագյանի գործողությունների շնորհիվ:

Եվ քանի որ իրավիճակ է փոխվել և Սորոսի հիմնադրամն իրեն իշխա­նության բաժնետեր է համարում, ապա եկել է Վարագյանի համար հատուցման, իսկ «սորոսական» հ/կ-ների համար՝ իրենց անխոչըն­դոտ մուտքը Մայր բուհ ապահովելու ժամա­նակը:

Մեր ունեցած տեղեկությունների հա­մաձայն, ավելորդ աղմուկից և համալսարանականների դիմադրությունից խուսափելու համար ԵՊՀ ռեկտորի ժ/պ Գեղամ Գևորգյանին հանձնարարվել է ոչ թե ուղղակի աշխա­տանքից ազատել Վահագն Վարագանին, այլ մեկ ամսվա ընթացքում ԵՊՀ հոգաբարձունե­րի խորհրդի նիստ գումարել և ուսանողների հետ տարվող աշխատանքների կենտրոնը լուծարելու որոշում կայացնել»,-գրում է թերթը:

Նյութն ամբողջությամբ կարդացեք թերթի այսօրվա համարում: