Զինվորականների աշխատավարձը հունիսի 1-ից կբարձրանա. Փաշինյանը գիտեր թե հուլիսից է բարձրանալու

Հայաստանում զինվորականների աշխատավարձերը հունիսի 1-ից կբարձրանան, բոլոր ընթացակարգերը կառավարությունն ապահովել է: Այդ մասին այսօր՝ մայիսի 30-ին, կառավարության նիստում հայտարարեց վարչապետ Նիկոլ Փաշինյանը:

Նա գիտեր թե հուլիսի 1-ից են բարձրանալու աշխատավարձերը, սակայն պաշտպանության նախարար Դավիթ Տոնոյանը ճշտեց, որ աշխատավարձերը բարձրանում են հունիսի 1-ից, սակայն հոնիսի աշխատավարձը կստանան հուլիսին:

«Որոշումները կայացված են և զինվորականները հուլիսի մեկին կստանան հունիսի մեկի բարձրացված աշխատավարձերը: Կառավարությունն արել է, ինչ պետք է. համակարգը ներդրված է, թյուրիմացություններ, խափանումներ չեն լինելու»,- ասաց վարչապետը:

Նշենք, որ կառավարությունը զինվորականների աշխատավարձերը բարձրացնում է 10 տոկոսով, սակայն հավելագրումների արդյունքում զինվորականների աշխատավարձերը միջինը կբարձրանան 18 տոկոսով: