«Սպայկա»-ն դժվարություններ ունի
«Ժողովուրդ» օրաթերթը գրում է. «Գյուղմթերքի մթերմամբ ու արտահանմամբ զբաղվող «Սպայկա» ընկերությունը դժվարություններ ունի: Այս մասին «Ժողովուրդ» օրաթերթին փոխանցեց ընկերության զարգացման գծով փոխտնօրեն Կարեն Բաղդասարյանը: «Մենք փորձում ենք մեր բնականոն աշխատանքին վերադառնալ: Վերջին դեպքերի հետ կապված շատ ծանր ֆինանսական հարված ունեցանք: Ընկերությունը դժվարություններ ունի, քիչ-քիչ վերադառնում ենք բնականոն հունին»,- փոխանցեց Բաղդասարյանը:
Ապա հայտարարեց, որ ընկերությունը մթերումներ է իրականացնելու: Այժմ նախապատրաստական փուլում են գտնվում: «Առաջիկա երկու-երեք շաբաթվա ընթացքում նախապատրաստվենք, որովհետեւ հունիսի 10-ից հետո սկսելու է մթերումը: Մենք բոլոր տարբերակները փորձում ենք օգտագործել, որ այդ նախապատրաստական աշխատանքը արագ կատարվի: Այս պահին ամեն ինչ անում ենք, որ անցյալ տարվա ծավալները գերազանցենք»,- տեղեկացրեց փոխտնօրենը` նշելով, որ ընկերությունը ոտքի կանգնելու համար վարկային միջոցներ է ներգրավելու»:
Մանրամասները՝ «Ժողովուրդի» այսօրվա համարում
Ես չեմ ուզում հիմա բանակցել. Թրամփ
Անցած 1 օրում գրանցվել է 15 ավտովթար․ 1 մարդ զոհվել է, 20-ը՝ վիրավորվել
Առաջիկա օրերին սպասվում է փոփոխական եղանակ․ ջերմաստիճանը կնվազի
Իրանն ԱՄՆ-ին մեղադրում է փոխըմբռնման հուշագիրը խախտելու համար