Կիրկորովն ու Պրիգոժինը վիճել են Վալերիայի պատճառով
Պրոդյուսեր Իոսիֆ Պրիգոժինը НТВ հեռուստաըներության եթերում խոսել է իր և ռուսական էստրադայի հայտնի երգիչ Ֆիլիպ Կիրկորովի վեճի մասին: Նա նշել է, որ իրենց միջև տեղի ունեցած տարաձայնությունների պատճառ են հանդիսացել Ֆիլիպի կոպիտ արտահայտություններն իր կնոջը` երգչուհի Վալերիային ուղղված:
Կիրկորովն ասել է, որ փառքի հասնելու համար Պրիգոժինն ամեն ինչի պատրաստ է և կարող է խաղալ անգամ Վալերիայի պատվի և հեղինակության հետ: Պրիգոժինը, մեկնաբանելով այս ամենը, նշել է, որ երբեք նման բան չի անի, քանի որ շատ է սիրում և հարգում իր կնոջը:
«Երկար տարիներ զգացել եմ, որ շատերը չեն համակերպվում իմ և Վալերիայի միասին լինելու փաստի հետ: Ասում են, թե ինչպե՞ս է նա ամուսնացել ճաղատ, տգեղ տղամարդու հետ: Կարծում եմ` Ֆիլիպը խանդում է Վալերիային»,- Պրիգոժինի խոսքերն է մեջբերում РИА Новости-ն: