Թրամփը Ֆիլիպիններում մասնակցելու է ASEAN գագաթնաժողովին
ԱՄՆ նախագահ Դոնալդ Թրամփը ժամանել է Ֆիլիպիններ՝ մասնակցելու Հարավարևելյան Ասիայի պետությունների ասոցիացիայի (ASEAN) գագաթնաժողովին։ Մանիլայում նրա այցի դեմ բողոքի ցույցեր են անցկացվում։
Թրամփի ասիական շրջագայության շրջանակում նախատեսված է նրա մասնակցությունը Չինաստանի Շենժեն քաղաքում կայանալիք Ասիա-խաղաղօվկիանոսյան տնտեսական համագործակցության (APEC) համաժողովին, ինչպես նաև երկար սպասված եռակողմ հանդիպումը Չինաստանի և Ռուսաստանի ղեկավարների հետ։
Նշենք, որ Մանիլայում արդեն հինգերորդ օրն անընդմեջ բողոքի ցույցեր են անցկացվում։ Ցուցարարները, ի թիվս այլ պահանջների, այրում են Թրամփի խրտվիլակները, կոչ են անում դադարեցնել պատերազմը Մերձավոր Արևելքում և չեղարկել ԱՄՆ-ի գլխավորած Pax Silica նախաձեռնությունը, որն ուղղված է մատակարարման շղթայի ձևավորմանը։
Ֆիլիպիններ ժամանելուց հետո Թրամփը կմասնակցի նաև ԱՄՆ-ASEAN հատուկ գագաթնաժողովին։
Մինչ այդ նախատեսված է ԱՄՆ-ի, Ճապոնիայի, Ավստրալիայի և Հնդկաստանի մասնակցությամբ «Քառյակի» (Quad) հանդիպումը։ Սա Թրամփի նախագահության ընթացքում խմբավորման առաջին հանդիպումն է վերջին երկու տարվա ընթացքում։ ԱՄՆ նախկին նախագահ Ջո Բայդենը «Քառյակը» համարում էր իր արտաքին քաղաքականության առանցքային նախաձեռնություններից մեկը։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Գերմանիան արգելել է չինական մեքենաների մուտքը ռազմական օբյեկտներ
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Երևանի և երկու մարզի մի շարք հասցեներում
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս