ԲԴԽ–ում իրավական խառնաշփոթ է. երկու անդամի տեղ թափուր է
Բարձրագույն դատական խորհրդի նոր նախագահն ընտրվելու է ոչ թե ԲԴԽ–ի իրավաբան–գիտնականների, այլ դատավորների կազմից։ Նման ընթացակարգ սահմանված է ՀՀ մայր օրենքով։
Հայաստանի Հանրապետության Սահմանադրության 174-րդ հոդվածի 7-րդ մասի համաձայն` Բարձրագույն դատական խորհուրդն իր կազմից ընտրում է խորհրդի նախագահ` հաջորդաբար Ընդհանուր ժողովի և Ազգային ժողովի կողմից ընտրված անդամներից: Հաշվի առնելով, որ նախորդ նախագահը ընտրվել է գիտնական իրավաբանների կազմից, նշանակում է ըստ հաջորդականության՝ հերթը դատավոր անդամինն է։ Սակայն այս հարցում ևս խնդիր է առաջացել։ Բանն այն է, որ արդեն մի քանի ամիս է ԲԴԽ–ում թափուր է մնացել նաև դատավոր անդամներից մեկի տեղը։ Խոսքը դատավոր Ռուզաննա Հակոբյանի մասին է, որի լիազորությունները ԲԴԽ-ն դադարեցրել է 2018թ. հոկտեմբերի 27–ին՝ նրա դիմումի հիման վրա։ Արդեն մի քանի ամիս է դատավորների ընդհանուր ժողովին չի հաջողվում ԲԴԽ նոր անդամ ընտրել։
Գագիկ Հարությունյանի հրաժարականից հետո թափուր է մնացել նաև ԲԴԽ–ի՝ իրավաբան–գիտնական անդամի տեղը։
Նշենք, որ բարձրագույն դատական խորհուրդը կազմված է տասն անդամից` հինգը գիտնական–իրավաբաններ են, հինգը՝ դատավորներ։
Այսպիսով՝ ԲԴԽ թափուր մնացած անդամներից մեկի հարցը պետք է լուծի դատավորների ընդհանուր ժողովը՝ ընտրելով դատավորի առնվազն տասը տարվա փորձառություն ունեցող դատավորների կազմից, իսկ խորհրդի մյուս անդամին՝ պետք է ընտրի Ազգային ժողովը՝ իրավաբան գիտնականների և այլ հեղինակավոր իրավաբաններից։
Հիշեցնենք, որ այսօր՝ մայիսի 24–ին, Գագիկ Հարությունյանը հրաժարականի դիմում է ներկայացրել Բարձրագույն դատական խորհրդի նախագահի պաշտոնից՝ նկատի ունենալով դատական իշխանության և դատավորների առնչությամբ ընթացող զարգացումները։
Օրենքով նախատեսված կարգով Բարձրագույն դատական խորհրդի նախագահի պարտականությունների կատարումը վերապահվել է տարիքով ավագ անդամին՝ Գևորգ Դանիելյանին։
Հիշեցնենք, որ Գագիկ Հարությունյանը ԲԴԽ նախագահ է ընտրվել 2018թ. մարտի 5-ին։ Մինչ այդ նա երկար տարիներ զբաղեցրել է ՀՀ սահմանադրական դատարանի նախագահի պաշտոնը։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Երևանի և երկու մարզի մի շարք հասցեներում
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս