Քոչարյանի մասին վատ գիրք գրելը կարող է ազատել պատժից
Politik.am-ը գրում է․ Իշխանափոխությունից հետո նախկին իշխանությունների հետ կապ ունեցող որոշ գործիչներ շտապեցին հերքել իրենց անցյալը և նոր դեմքով ներկայանալ Փաշինյանի իշխանությանը։ Նման կերպարներից մեկն էլ տնտեսագետ Աշոտ Մարկոսյանն է։ Հիշեցնենք, որ նախագահ Ռոբերտ Քոչարյանի կառավարման տարիներին նա տարբեր բարձր պետական պաշտոններ է զբաղեցրել։ Իշխանափոխությունից հետո Մարկոսյանը հրապարակեց ավելի քան 100 էջանոց մի վերլուծություն, որտեղ, իր խոսքով, բացահայտում է նախագահ Ռոբերտ Քոչարյանի կառավարման տարիների տնտեսական հաջողության «միֆը»։
Ըստ էության, Մարկոսյանը տեղյակ է եղել, որ իր դեմ քրեական գործ է նախապատրաստվում, և փորձել է լավ լույսի ներքո ներկայանալ նոր իշխանություններին։ Նախորդ տարվա դեկտեմբերի 4-ին Աշոտ Մարկոսյանը ձերբակալվեց։ Ըստ դատախազության տարածած հաղորդագրությա՝ ՀՀ ԿԱ պետական գույքի կառավարման վարչության պաշտոնատար անձանց կողմից պաշտոնական փաստաթղթերում ակնհայտ կեղծ տեղեկություններ են մտցրել։ Ըստ գործի՝ Աշոտ Մարկոսյանը ևս մասնակցել է այս կեղծիքին։
Մարկոսյանին, սակայն, կարծես օգնության է գալիս իր «վերլուծությունը», և նա հայտնվում է ազատության մեջ, բայց գործը իր մասով դեռևս կարճված չէ։
Մեր տեղեկություններով՝ այդ միջադեպից հետո Աշոտ Մարկոսյանի հետ հանդիպել է ՀՀ առաջին նախագահ Լևոն Տեր-Պետրոսյանը և առաջարկել է երկրորդ նախագահ Ռոբերտ Քոչարյանի կառավարման տարիների մասին քննադատական գիրք գրել, որի հրատարակվելուց հետո կմիջնորդի վարչապետ Փաշինյանին՝ բարի աչքով նայել Մարկոսյանին։ Ըստ վերջինիս մտերիմների՝ նա արդեն գործի է անցել և գրում է իրեն վերջնականապես ազատություն պարգևող գիրքը»։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Երևանի և երկու մարզի մի շարք հասցեներում
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս