Այս պահին, ունենք շատ հետամնաց գյուղատնտեսություն. 40–50 տարի հետ ենք աշխարհի լավագույն երկրներից. Փոխնախարար

«Հայաստանում, այս պահին, ունենք շատ հետամնաց գյուղատնտեսություն։ Այս մասին, այսօր՝ մայիսի 11-ին, «Իմ քայլը հանուն Գեղարքունիքի մարզի» բիզնես համաժողովի ժամանակ նշեց գյուղատնտեսության փոխնախարար Արտակ Քամալյանը։

«Այսօր մենք 40–50 տարի հետ ենք աշխարհի լավագույն երկրներից, որտեղ կա գյուղատնտեսություն»,-ասաց նա:

Ըստ փոխնախարարի, 2018թ–ին Հայաստանն ունեցել է ցեցի խնդիր, որի պատճառով 30–40 տոկոս լոլիկի արտադրության անկում է գրանցվել։

Նորագույն տեխնոլոգիաներից, Արտակ Քամալյանը հիշատակեց մեկ նորարարությունը Ամերիկայի Կալիֆորնիայի համալսարանը կոմբայն է ստեղծել, որը հավաքում է ելակի բերքը՝ առանց մարդու օգնությամբ։

«Մենք հստակ հասկանում ենք, թե ինչ պետք է անենք, որ գոնե 7 տարի հետո ընկնենք 21–րդ դար։ Մենք այդ երկրներին չեն հասնելու, նրանք տեղում չեն մնալու, բայց 50 տարին կիջացնենք 10–15 տարվա»,– ասաց փոխնախարարը, նշելով, որ այդ գործում պետք է գտնել այնպիսի գործարարներ, ովքեր կարող են հողային ռեսուրսը, կապիտալը և մարդկային ռեսուրսը միավորել և ստանալ մրցունակ արդյունք։

«Մենք արդյունքի չենք հասնի, եթե մրցունակ գյուղսննդամթերք չստանանք»,– ընդգծեց Արտակ Քամալյանը, հիշեցնելով, որ հողը վարում են այնպիսի տրակտորով, որը իր քաշի չափ «սայլարկա է ուտում». Այս պարագայում մրցունակ գյուղմթերքի մասին խոսք գնալ չի կարող։