«Շախմատը» դպրոցական ծրագրից հանելու մասին խոսք չկա, բայց դասավանդման մեթոդները, միանշանակ, պետք է բարելավել․ Արայիկ Հարությունյան
Շախմատի նկատմամբ հետաքրքրությունը շատ մեծ է ու շարունակում է բաձր մնալ: Այսօր «Շախմատային կրթության արդի վիճակը և զարգացման միտումները» խորագրով միջազգային գիտաժողովից առաջ լրագրողների հետ զրույցում նման տեսակետ հայտնեց ՀՀ կրթության գիտության նախարար Արայիկ Հարությունյանը։ Նա նշեց, որ քննարկվելու է ««Շախմատը»՝ որպես կրթական առարկա ու կրթական մոդել թեման», և քննարկվելու է շատ հայտնի շախմատային գործիչների կողմից։
«Քննարկվելու է թե՛ Հայաստանում ներդրված առարկայի հնարավորությունները, թե՛ այն խնդիրները, որոնք կան դրանց հետ կապված։ Այս քննարկումը նաև մեզ համար կարևոր է, քանի որ կարող ենք ընթացիկ խնդիրներն արձանագրել և լուծումներ տալ»,- ասաց նա։
Արայիկ Հարությունյանը, անդրադառնալով ծնողների դժգոհությանը՝ կապված «Շախմատը» դպրոցում դասավանդելու հետ, նշեց, որ դրանք ամենևին փոքր դժգոհություններ չէին։ Նրա կարծիքով՝ ծնողները երեխաների հետ դասապատրաստման ժամանակ խնդիրներ են ունենում, քանի որ չեն տիրապետում առարկային։
«Մենք մեր գործընկերների հետ, նաև պարոն Լպուտյանի հետ, քննարկել ենք մշակումների ու վերապատրաստումների անցկացումը, որը հնարավորություն կտա լուծել այս խնդիրները։ Վերապատրաստումներն ու դասագրքերի փոփոխությունը շարունակական է»,- շարունակեց Հարությունյանը։
Նախարարը վստահեցրեց՝ «Շախմատը» դպրոցական ծրագրից հանելու մասին խոսք չկա, բայց դասավանդման մեթոդները, միանշանակ, պետք բարելավել։
Դիտարկմանը, որ Շախմատի ֆեդերացիայի նախագահը Սերժ Սարգսյանն է, արդյո՞ք քաղաքական առումով շախմատի զարգացման հետ կապված խնդիրներ չեն առաջանում, նախարարը պատասխանեց․ «Եթե ես այստեղ եմ, ապա նշանակում է, որ որևէ խնդիր չկա»։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Երևանի և երկու մարզի մի շարք հասցեներում
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս