Օրենսդրական փոփոխություն. նախադպրոցական հաստատություն հաճախող երեխա ունեցող աշխատողն աշխատանքային օրը կավարտի 17:00-ին

«Ժողովուրդ» թերթը գրում է.

«Նախադպրոցական ուսումնական հաստատությունների աշխատաժամը կփոփոխվի: Նշենք, որ այն հիմնա­կանում ավարտվում է ժամը 17:30-ին, ինչի հետևանքով երեխայի ծնողնե­րից մեկը կամ խնամակալը աշխա­տանքի վայրից ստիպված է լինում ժամանակից շուտ դուրս գալ՝ հարուցելով գործատուի դժգոհությունը:

«Ժողովուրդ» օրաթերթը տեղեկա­ցավ, որ Կրթության և գիտության նախարարությունը մշակել է «ՀՀ աշ­խատանքային օրենսգրքում լրացում կատարելու մասին» օրենքի նախա­գիծը: Այսպես, առաջարկվում է աշ­խատանքային օրենսգրքի 141-րդ հոդվածը լրացնել նոր՝ 1.1-ին մասով, որով նախադպրոցական ուսումնա­կան հաստատություն հաճախող երե­խա խնամող աշխատողը հնարավո­րություն կստանա աշխատանքային օրը ավարտել 17:00-ին, եթե իր աշ­խատանքային օրվա ավարտը 18:00- ին է, կամ նրան կտրամադրվի 1 ժամ ժամանակ (17:00-ից 18:00-ն):

Այս նա­խագիծն ուրախացրել է աշխատող շատ ծնողների: Նրանք գրեթե միշտ բախվում են այս խնդրին. նրանց մեծ մասն աշխատավայրը լքում է, գնում երեխային մանկապարտեզից տուն հասցնում, ապա հետ վերադառնում դարձյալ աշխատանքի»,-գրում է թերթը:

Նյութն ամբողջությամբ կարդացեք թերթի այսօրվա համարում: