Քաղաքական գործընթացները զուգորդվում են համացանցում խուլիգանական վարքագծով
Ազգային ժողովի Պետական-իրավական հարցերի մշտական հանձնաժողովում «Հայաստանի Հանրապետության դատախազության 2018 թվականի գործունեության մասին» հաղորդման քննարկմանը «Բարգավաճ Հայաստան» խմբակցության պատգամավոր Գևորգ Պետրոսյանը ՀՀ գլխավոր դատախազ Արթուր Դավթյանից հետաքրքրվեց, թե ինչ քայլեր են արվում համացանցային խուլիգանությունը կանխելու համար։
«Այսօր ոստիկանությունն անհասկանալի անգործություն է դրսևորում, եթե կեղծ էջեր վարողներին հնարավոր չէր պատժել, բանը հասել է նրան, որ այսօր իսկական էջերից մարդիկ ամենավերջին հայհոյանքներն են հնչեցնում պատգամավորների, քաղաքական գործիչների նկատմամբ և նորմալ չէ, որ այդ դեպքերում իրավապահ մարմիններն անգործություն են ցուցաբերում»,-ասաց նա։
Գևորգ Պետրոսյանն ասաց, որ, իհարկե, կարող են ասել, որ արարքը խուլիգանական որակելու համար բարդություններ կան։ «Այդուհանդերձ, ես ուզում եմ հնչեցնել, որ այսօր քաղաքական գործընթացները զուգորդվում են անթաքույց խուլիգանական վարքագծով, իսկ պատկան մարմիները ոչնչ չեն անում համացանցային խուլիգանությունները կանխելու հարցվում»,-ասաց նա։
ՀՀ գլխավոր դատախազ Արթուր Դավթյանը նշեց, որ, անկասկած, տհաճ են նման գրառումները ոչ միայն պաշտոնյայի, այլ յուրաքանչյուր մարդու համար և ինքը ևս չի կարող ողջունել երևույթը։
«Բայց համաձայն չեմ, որ իրավապահ մարմիններն անգործության են մատնված, օրենքով և իրենց պարտականություններով նրանք չեզոքություն են պահում և լավ են անում, որովհետև դուք այդպես եք պատվիրակել, և հայհոյանքը խուլիգանություն չի կարելի դիտարկել»,-ասաց նա։
Արթուր Դավթյանը հավելեց, որ պատգամավորների լիազորությունն է իրականացնել օրենսդրական փոփոխություն և քրեականացնել համացանցում հայհոյանքը, որպեսզի իրավապահները ևս, ինչպես Գևորգ Պետրոսյանն է նշում, անգործություն չցուցաբերեն։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս