Հայաստանը հասանելիություն կստանա ռուսական արբանյակների տվյալներին
Տիեզերական գործունեության արդյունքների օգտագործման ոլորտում հայկական «Երկրատիեզերք» ընկերությունը հասանելիություն կստանա ռուսական Երկրի հեռահար զոնդավորման տիեզերական արբանյակների տվյալներին: Այս մասին նշված է «Ռուսական տիեզերական համակարգեր» ընկերության հաղորդագրության մեջ:
Ռուսաստանի մայրաքաղաք հայկական պատվիրակության այցի ժամանակ տիեզերական գործունեության արդյունքների օգտագործման ոլորտում հայկական «Երկրատիեզերք» ընկերությունը համաձայնագիր է ստորագրել «Ռոսկոսմոսի» մեջ մտնող «Ռուսական տիեզերական համակարգեր» հոլդինգի հետ:
Երեւանը պատրաստվում է ռուսական ուղեծրային խմբավորման տվյալներին հասանելիությունն օգտագործել պաշտպանության նախարարության համար լուսանկարների մշակման նպատակով: Ձեռք են բերվել նաեւ երկրատեղեկատվական ծառայությունների մշակման եւ ներդրման դեպքում կադրերի պատրաստման եւ փորձի ու տեխնիկական տվյալների փոխանակման պայմանավորվածություններ:
Համաձայնագրի շրջանակում կողմերը կարդիականցնեն Հայաստանում տեղակայված տվյալների ընդունման եւ մշակման կայանը: Մոսկվան եւ Երեւանը մտածում են նաեւ համատեղ կառույցի ստեղծման մասին, որը կարող է զբաղվել Երկրի հեռահար զոնդավորման արբանյակների համար սարքերի պատրաստմամբ, ինչես նաեւ ծրագրային ապահովմամբ եւ տիեզերական լուսանկարների տվյալների մշակման ծառայություններով:
«Երկրատիեզերք» ընկերությունը Հայաստանում տիեզերական գործունեության առաջատար օպերատոր է եւ սերտորեն համագործակցում է պաշտպանական կառույցների հետ: Այն նաեւ այն ընկերություններից մեկն է, որոնք ԵՏՄ արբանյակների արտադրության պայմանագիր են ստորագրել:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս