Հայաստանում թափառող շներին կշարունակեն կրակել
Թող աշխարհն իմանա, որ Հայաստանում հասարակությունը դեմ է կենդանիների հանդեպ դաժան վերաբերմունքին։ Այս մասին տարածքային կառավարման, տեղական ինքնակառավարման, գյուղատնտեսության եւ բնության պահպանության մշտական հանձնաժողովի նիստում ապրիլի 30-ին, «Կենդանական աշխարհի մասին» օրենքում լրացումներ մտցնելու օրինագծի քննարկման ժամանակ, ասել է դրա հեղինակ, «Բարգավաճ Հայաստան» խմբակցության պատգամավոր Տիգրան Ուրիխանյանը։
Պատգամավորի խոսքով՝ Երեւանում մասնավոր կազմակերպությունները, որոնք պետք է լուծեին թփառող շների խնդիրը, ըստ էության, իրականացրել են նրանց ոչնչացում կրակելու միջոցով, ինչն անթույլատրելի է։ «Մեզ մոտ՝ մայրաքաղաքում, շներին կարող են կրակել, իսկ փորոտիքը դեն նետել աղբի կողքին կամ թողնել բակերում, որտեղ երեխաներ են խաղում»,- ասել է Ուրիխանյանը։
Թափառող շների խնդրի լուծման համար խորհրդարանականը առաջարկել է օգտագործել այլ միջոցներ, մասնավորապես՝ ստերջացումը։ Շներին կրակելը, նրա հավաստմամբ, անհանգստացրել է հասարակության լայն հատվածին, փորձագետներին, այն քաղաքացիներին, որոնք իրենք շուն են պահում։
Այսպիսով, Տիգրան Ուրիխանյանը առաջարկել է օրենսդրական մակարդակով արգելել թափառող շների ոչնչացումը կրակելու միջոցով եւ դաժան վերաբերմունքը նրանց հանդեպ։
Չնայած պատգամավորի փաստարկներին՝ օրինագիծը դրական եզրակացություն չստացավ հանձնաժողովի կողմից։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս