Ատոմ Ջանջուղազյանը հասկացությունները շփոթել է. 440 մլրդ դրամի հարկային ստվեր գոյություն չունի. ՊԵԿ նախագահ
Ֆինանսների նախարար Ատոմ Ջանջուղազյանը հարկային ծախս եւ հարկային պոտենցիալ հասկացությունները շփոթել է: Այս մասին, այսօր՝ ապրիլի 30-ին, ԱԺ-ում լրագրողների հետ զրույցում նշեց ՊԵԿ նախագահ Դավիթ Անանյանը՝ անդրադառնալով կառավարության նիստում Ջանջուղազյանի հայտարարությանը, թե Հայաստանը նախորդ տարի իր հարկային պոտենցիալից շուրջ 440 մլրդ դրամի հարկ չի հավաքագրել:
Անանյանի խոսքով, կա հարկային ծախս հասկացություն եւ հարկային պոտենցիալ հասկացություն. «Հարկային ծախսն այն մեծությունն է, որ հարկային արտոնությունների պատճառով թերի են հավաքագրվում եկամուտները: Այո, մոտ 440 մլրդ դրամի չափով հարկեր չեն հավաքագրվել այդ պատճառով: Դուք կարող եք 2015-ի ուղերձ-բացատրագրում նայել, որ հարկային ծախսը գնահատվում է 442 մլրդ դրամ: Հավանաբար պարոն Ջանջուղազյանը հարկային ծախս եւ հարկային պոտենցիալ հասկացությունները շփոթել է: Այսինքն թերակատարման մասին չի խոսքը: Այո, գումար կորում է, երբ օրենքով հարկային արտոնություն ես տալիս եւ այդ գումարը չի հավաքագրվում բյուջե: Օրինակ առողջապահության ոլորտն ազատված է ավելացված արժեքի հարկից եւ այդ արտոնության չափը գնահատվում է 25-30 մլրդ դոլար: Այ դա մենք կորցնում ենք»,-ասաց ՊԵԿ նախագահը:
Նա նաեւ նշեց, որ կա նաեւ հարկային ներուժ հասկացություն. «դա այն է, որ երկիրն ունի այդպիսի պոտենցիալ, բայց թերի վարչարարության պատճառով չենք կարողանում հավաքագրել: Բայց ոչ ոք նման հաշվարկ չի անում, թե որքան է հարկային պոտենցիալը:
Այո, կա հարկային ստվեր, որը հաշվարկելու տարբեր մեթոդաբանություններ կան: Բայց 440-460 մլրդ դրամի հարկային ստվեր գոյություն չունի: Դա այնքան հասարակ բան է, որ իմ տեղակալը սուբորդինացիայից եւ էթիկայից ելնելով չի փորձել ուղղել պարոն Ջանջուղազյանին»:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս