«Հասկացա, որ Քաղաքացու օրը Նիկոլ Փաշինյանի օրն է»
«Ես շատ կուզենայի, որ Քաղաքացու օրվա տոնին մասնակցեին իրական քաղաքացիները»,- լրագրողների հետ հանդիպմանն ասաց հրապարակախոս Կարինե Հակոբյանը։
Ի՞նչ է նշանակում քաղաքացի։ Իր հարցին հրապարակախոսը պատասխանեց. «Մարդ, ով ունի արժանապատիվ աշխատանք։ Կուզենայի, որ Մայիսի 1-ը նշվեր հավուր պատշաճի, որովհետև առանց աշխատանքի, առանց զբաղվածություն ունեցող հասարակության չենք կարող ունենալ քաղաքացիներ։ Քաղաքացին նա է, ում խոսքը հասանելի է, արժեք է ունենում»։
Կ. Հակոբյանն ասաց, թող լինի քաղաքացու օր, այնուհետև սկսեն ձևավորել քաղաքացի, քաղաքացիական հասարակություն, ազգ, դա շատ կարևոր է։ Նա նշեց, որ կցանականար Քաղաքացու օրվա միջոցառումները ավելի կիրթ լինեին։
«Այդ կրթության մակարդակը մենք պետք է բարձրացնենք»,- ընդգծեց հրապարակախոսը։
Ասուլիսին ներկա ԱԺ նախկին պատգամավոր Վահան Բաբայանն ասաց, որ նման օր չպետք է լինի, իսկ եթե եղել է՝ «ոնց ուզում են թող նշեն»։
«Բայց Մաշտոցի պողոտայում խորոված անելով քաղաքացու օր է լինո՞ւմ։ Ի՞նչ է նշանակում դա։ Քաղաքացու կերպար պետք է ստեղծենք, բայց քաղաքացու կերպարը Մաշտոցի պողոտայում խորոված անող մարդը չէ։ Մենք պետք է ստեղծեինք գաղափար, մարդկային մի կերպար, որը կմարմնավորեր նոր քաղաքացու կերպարը»,- ասաց Վ. Բաբայանը։
ԱԻՄ անդամ Գագիկ Սարուխանյանն ասաց, որ այդ օրը չկար մեծ խանդավառություն։ Նրա խոսքով, այսօր արժեհամակարգը խեղելու քայլեր է տեսնում. «Արժեհամակարգն ուղղելու խնդիրներ ունենք ու ևս մեկ անհասկանալի բան։ Ըստ իս, տարվա 365 օրն էլ քաղաքացու օրն է։ Եթե մեկ օր նշում ենք քաղաքացու օր, մնացածը իշխանության օ՞ր է»։
Նա նշեց, որ ապրիլի 27-ին փորձել են մի քանի ընկերով Մասիվում փողոց փակել՝ որպես քաղաքացու օր. «Տեսնեք ինչ արեցին քաղաքացիները մեր գլխին։ Հասկացա, որ այդ օրը Նիկոլ Փաշինյանի օրն է։ Փողոց կարելի է փակել միայն ու միայն Նիկոլ Փաշինյանի հրահանգով»։
Գ. Սարուխանյանի խոսքով, մեկ տարի առաջ իշխանություն են փոխել և վերջ, ոչ մի հեղափոխության մասին խոսք չկա։
«Իրականում հեղափոխություն կոչեցյալն անդրադարձավ միայն նրա վրա, որ ՔՊ-ականները, ինչպես առնետավազքը սկսվում է, վայրկենական շատացան, հազարավոր անդամներ ունեցավ»,- նշեց նա։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս