Բազմաթիվ պաշտոնյաների լիցենզիա է տվել, նրանք թալանով են զբաղվել և դուք էլ մասնակից եք եղել․ Բաբաջանյանը՝ Բաղրամյանին
ՀՀ հանրային ծառայությունները կարգավորող հանձնաժողովի նախագահի նշանակման հարցի քննարկմանը ԼՀԿ խմբակցության պատգամավոր Արման Բաբաջանյանի հարցն ուղղված թեկնածու Գարեգին Բաղրամյանին վերաբերում էր ՀԾԿՀ-ում նրա 14 տարվա աշխատանքային գործունեության ժամանակ տեղի ունեցած խախտումներին։
Նա նշեց, թե բազմաթիվ բարձրաստիճան պաշտոնյաների, զինվորականների հանձնաժողովը տվել է ՀԷԿ-երի, ջրային ռեսուրսների կառավարման թույլտվություն։ «Ակնհայտ է, որ այդ ոլորտներում բազմաթիվ խախտումներ, թալան է տեղի ունեցել և դա, ընդհանուր առմամբ, ձեր կրավորական հայացքի ներքո և մասնակցությամբ։ Աղվան Հովսեփյանին, Խոսրով Հարությունյանին, այլ գեներալների, որ ՀԷԿ-եր կառուցելու լիցենզիա էիք տալիս և դրանք այսօր էլ այդ մարդկանց սեփականություններն են, որևէ ձևով ձեր գործունեության ընթացում դիմադրե՞լ եք, որ թույլ չտաք, չհամաձայնվեք հանձնաժողովների նիստերի ընթացում»,-հարցրեց նա։
Գարեգին Բաղրամյանը նշեց, որ ՀԾԿՀ-ի կողմից տրված բոլոր լիցենզիաները իրենց տակ ունեցել են բոլոր հիմնավորումները, անկախ նրանից՝ պաշտոնյաներ են եղել, թե զինվորականներ։ «Եղել են բոլոր անհրաժեշտ փաստաթղթերը, այսինքն՝ հողհատկացումները, հողի նշանակության փոփոխությունները և այլն այդ լիցենզիաների տակ առկա են։ Եթե խախտումները այդ փաստաթղթերի վերցնելու ժամանակ են եղել, կարծում եմ համապատասխան գնահատական պետք է տան իրավական մարմինները, բայց հանձնաժողովը լիցենզիան տրամադրել է փաստաթղթերի առկա լինելու համար»,-ասաց նա։
Բաբաջանյանն արձագանքեց՝ ոչ թե հանրության շահն է պաշտպանվել, այլ կոնկրետ սուբյեկտների։ «Որոնք թալանով են զբաղվել և դուք էլ մասնակից եք եղել։ Զղջացե՞լ եք այդ հիմնավորված սակագների համար, ընդվզե՞լ եք հանձնաժողովի նախագահի դեմ, որակներ ունե՞ք, որ հնարավոր կամային հատկություններով այսօր կարողանաք պաշտպանել, ոչ թե անհատների, այլ հանրության քաղաքացիների շահը»,-հարցրեց Բաբաջանյանը։
Բաղրամյանն ասաց, որ ինքը կարևորել է սահմանդրաիրավական փոփոխությունները ՀԾԿՀ մասով, ըստ որի՝ հանձնաժողովի անկախության աստիճանը ավելի բարձրացվել է։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս