Գույքը ոստիկանությանն է, Մաքսայինը մեկ ամիս է, ինչ զբաղեցնում է այս շենքը. Նորագավիթի մաքսատան աշխատակիցը՝ դրոշի հետ կապված միջադեպի մասին
Երբ վարչապետն այցելեց, անկյունում ձողին ամրացված դրոշը կեղտոտ վիճակում էր, այսօր լրագրողների հետ զրույցում պատմեց Նորագավիթի մաքսատան աշխատակիցը՝ անդրադառնալով վարչապետի այցի ընթացքում գրանցված միջադեպին:
Միևնույն ժամանակ նա նկատեց, որ Մաքսային ծառայությունը նոր է տեղափոխվել այս շենք, և գույքը պատկանում է ոստիկանությանը, որի ստորաբաժանում էլ նախկինում զբաղեցրել է շենքը։
«Այդ դրոշը ժամանակին շենքի վերևն էր ամրացված, շենքը մի ամիս է, ինչ հատկացվել է մաքսայինին, այս շենքում նախկինում ոստիկանության բաժանմունքն էր նստում, դրոշը մաքսայինինը չէ, այլ ոստիկանության գույքն է»,-ասաց նա։
Մաքսայինի աշխատակիցը նաև պատմեց, որ աշխատակիցները միշտ չէ, որ լինում են տվյալ աշխատասենյակում։
«Այսօր 2 հոգով ենք եղել, բայց կարող է մի հոգի կամ 3 հոգի լինել՝ պայմանավորված է ծանրաբեռնվածությամբ։ Կարող են նաև սենյակում չլինել և դրսում ունենալ աշխատանք»,- շարունակեց աշխատակիցը։
Հիշեցնենք, որ ՀՀ վարչապետ Նիկոլ Փաշինյանն այցելել էր Նորագավիթի մաքսատուն՝ տեղում ծանոթանալու մաքսատան հնարավորություններին: Նա, տեսնելով տարածքի ոչ մաքուր վիճակը, ինչպես նաև ՀՀ պետական խորհրդանիշ դրոշը մի անկյունում նետված, հայտարարել էր. «ՊԵԿ-ում պարգևավճարը կրճատեք ու տարածքը մաքրեք, իսկ ովքեր այս սենյակում աշխատել են դրոշի այս պայմաններում, բոլորը հեռացվեն աշխատանքից»։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս