Մենք երբևէ չենք հրաժարվել և չենք հրաժարվում հիմնավորված հարկային պարտավորությունների կատարումից
«Սպայկա» ընկերությունը ի պատասխան ՊԵԿ-ի հրապարակած տեղեկատվության պարզաբանում է տարածել։
Ըստ ՊԵԿ-ի, ընկերությունը հարկային պարտավորություններից խուսափելով 7 միլիարդ դրամի վնաս է հասցրել պետությանը։
Ընկերության պարզաբանման մեջ, մասնավորապես, նշված է, որ ՊԵԿ-ը չճշտված, ենթադրական բնույթ կրող, ենթադրյալ հարկային պարտավորության վերաբերյալ ընկերության տնօրենի առարկություններին և խորացված ուսումնասիրություն իրականացնելու միջնորդությանը խոսում է սպառնալիքներով: Միայն նրա համար, որ ընկերության տնօրենը հլու-հնազանդ չի կատարում ներկայացված պահանջը, ՊԵԿ-ը փորձում է օգտագործել կալանք քրեաիրավական գործիքը՝ անձին վախեցնելու և գումար գանձելու համար։
«ՊԵԿ-ի մեկնաբանությունների մեջ նշված բոլոր փաստարկները ընկերության տնօրեն Դավիթ Ղազարյանի պաշտպանների կողմից հիմնովին հերքվել են ապրիլի 5-ի կալանքի միջնորդության վերաբերյալ դատական նիստի ժամանակ: Անհրաժեշտության դեպքում մենք պատրաստ ենք առաջիկայում ասուլիս հրավիրել և հրապարակել դրանք: ՊԵԿ-ի կողմից իրավական փաստարկները իրավական պրոցեսից դուրս մեդիա ցանցերում հրապարակելը ըստ մեզ հանդիսանում է դատական համակարգի վրա ոչ իրավաչափ ազդեցություն գործադրելու փորձ», - ասված է ահղորդագարությունում:
Պարզաբանմ մեծ նշված է, որ ՊԵԿ-ի կողմից ապատեղեկատվության տարածումը դիտարկում ընկերությունը ոչ միայն ոչ իրավաչափ, այլ նաև «Սպայկա» ընկերության գոյությանը ուղղված ուղղակի սպառնալիք:
«Մենք երբևէ չենք հրաժարվել և հիմա էլ չենք հրաժարվում հիմնավորված հարկային պարտավորությունների կատարումից և պատրաստ ենք ՊԵԿ-ի հետ այդ ուղղությամբ արդյունավետ համագործակցել», - ասված է հաղորդագրությունում:
Հիշեցնենք, որ երեկ Պետական եկամուտների կոմիտեն (ՊԵԿ) դատարան միջնորդություն է ներակայացնելու՝ կալանավորել «Սպայկա» ընկերության տնօրեն Դավիթ Ղազարյանին։
Կոմիտեի ղեկավար Դավիթ Անանյանը «Ազատության» հետ զրույցում նշել է, որ բեռնափոխադրումներով զբաղվող խոշոր այս ընկերությունը պետությանը 7 միլիարդ դրամի վնաս է հասցրել: