Առավոտյան արևը օգտակար է կազմվածքի համար

Առավոտյան արևի լույսը օգնում է պահպանել բարեկազմությունը: Այսպիսի եզրակացության է եկել ամերիկացի գիտնականների խումբը:

Չիկագոյի Ֆեյնբերգ բժշկական համալսարանի աշխատակիցները անցկացրել են փորձ 30 կանանց և 26 տղամարդկանց մասնակցությամբ: Մասնակիցների միջին տարիքը 31 տարեկանն էր: Շաբաթվա ընթացքում նրանք բոլորը իրենց ձեռքին կրում էին սարք, որը ֆիքսում էր լուսավորվածության աստիճանը և ժամանակը՝ ծախված քնի վրա: Մասնակիցները օրագիր էին լրացնում իրենց սննդակարգի մասին` նշելով, թե ինչ և երբ են կերել:

Պարզվեց, որ առավել բարեկազմ էին նրանք, ովքեր առավել շուտ էին արթնանում: Հեղինակների կարծիքով առավոտյան վառ արևը առավել ինտեսիվ է ակտիվացնում օրգանիզմի նյութափոխանակությունը, քան օրվա երկրորդ կեսում: Նրանք, ովքեր երկար են քնում, կրճատում են արևի ճառագայթների ազդեցության ժամանակը: Ամենօրյա 20-30 րոպե տևողությամբ զբոսանքը՝ առավոտյան արևի ճառագայթների ներքո, ակտիվացնում է նյութափոխանակության գործընթացները, ասում են գիտնականները:

Փորձը՝ կատարված կենդանիների վրա, նույնպես հաստատել է, որ նյութափոխանակության գործընթացների ակտիվությունը կախված է լուսավորվածության սկզբից և աստիճանից: