Դաժան սպանություն՝ Երեւանում. տարեց կնոջ բերանը փակել են կպչուն ժապավենով ու դանակով հարվածներ հասցրել

Երեւանում, այսօր՝ ապրիլի 6-ին, առանձնակի դաժանությամբ սպանություն է տեղի ունեցել. ժամը 11:50-ի սահմաններում ԱԻՆ փրկարար ծառայության 9-11 օպերատիվ կառավարման կենտրոն ահազանգ է ստացվել, որ Նոր Նորք վարչական շրջանի 8-րդ զանգվածի շենքերից մեկի բնակարանի բնակիչը տեւական ժամանակ է՝ չի արձագանքում դռան եւ հեռախոսազանգերին եւ դուռը բացելու համար անհրաժեշտ է փրկարարների օգնությունը։

Shamshyan.com-ի հաղորդմամբ, օպերատիվորեն ժամանել են փրկարարները, որոնք բացել են տան դուռը եւ հյուրասենյակում՝ բազմոցի վրա, հայտնաբերել են տանտիրուհու դին։ Նա հայտնաբերվել է բերանը կպչուն ժապավենով փակած, իսկ մարմնի վրա էլ եղել են սուր-կտրող առարկայից ստացած մի քանի հետքեր։

Փաստի առթիվ ՀՀ քր. օր-ի 104 հոդվածի 1-ին մասի հատկանիշներով հարուցվել է քրեական գործ։ Այս պահին դեպքի վայրում աշխատում են նաեւ ոստիկանության փորձաքրեագիտական վարչության փորձաքրեագետներն ու դատական բժիշկները։ Ոստիկանությունն ու քննչական բաժին պարզում են սպանվածի ինքնությունը։

Այս թեմայով Շտապօգնության ավտոմեքենան Թեղուտի մոտ կողաշրջվել է. բուժքույրը տեղափոխվել է հիվանդանոց Մшհվան ելքով վրաերթ՝ Երևանում Վիճաբանություն և ծեծկռտուք Սյունիքի մարզում․ կան վիրավորներ Նուբարաշենում բռնկված հրդեհի հետևանքով այրվածքներ ստացած եղբայրներից մեկը մահացել է 15-ամյա տղան վնասվածք է ստացել սառած գետնի վրա սայթաքելու և կոտրված ապակյա շշերի վրա վայր ընկնելու հետևանքով