Երկրում չի կարող լինել մի քանի արտաքին քաղաքականություն. Նիկոլ Փաշինյան

Արտաքին գործերի նախարարի տեղակալ Գրիգոր Հովհաննիսյանը կառավարոթյան հերթական նիստին ներկայացրեց «Դիվանագիտական ծառայության մասին» Հայաստանի Հանրապետության օրենքում փոփոխություններ եւ լրացումներ կատարելու մասին» ՀՀ օրենքի նախագիծը:

«Առաջարկվող փոփոխությամբ հնարավոր կլինի ապահովել դիվանագիտական ծառայություն իրականացնող անձանց` արտաքին գործերի նախարարությունից ՀՀ նախագահի եւ ԱԺ աշխատակազմի գործողումների եւ հանրային պաշտոններ զբաղեցնելու դեպքում դիվանագիտական ծառայողների կարգավիճակը»,-ներկայացրեց նա:

Վարչապետը կարեւորեց այս նախագիծն այն առումով, որ կառավարությունը գործուղված պաշտոնյաների միջոցով պետք է ապահովի արտաքին քաղաքական գործողությունների միասնականությունը, եւ այդ քաղաքականությունն իր բոլոր դրսեւորումներով պետք է համապատասխանի կառավարության որդեգրած քաղաքականությանը:

«Ակնհայտ է, որ երկրում չի կարող լինել մի քանի արտաքին քաղաքականություն, երկրում կարող է լինել միայն մեկ արտաքին քաղաքականություն, որը մշակում եւ վարում է կառավարությունը, եւ պետական բոլոր մարմիններն իրենց արտաքին քաղաքական բոլոր շփումներում պետք է հստակ մնան այս շրջանակի մեջ»- ասաց վարչապետը: