Մանկական սննդի արտադրողները ԵՏՄ-ի նոր կանոնների պատճառով հայտնել են հնարավոր դեֆիցիտի մասին
Մանկական սննդի արտադրողները հայտնում են մատակարարումնեևի հնարավոր խափանումների մասին անասնաբուժական հսկողության խստացման պատճառով, որը Մաքսային միության հանձնաժողովի որոշմամբ կսկսի գործել այս տարվա ապրիլից: Այս մասին հաղորդում է «Կոմերսանտ» թերթը՝ հղում կատարելով ընկերությունների ներկայացուցիչներին:
Հսկողության խստացումը վերաբերում է ներմուծվող արտադրանքին, որում կենդանական ճարպը փոխարինված է բուսակայն յուղով: Այս կատեգորիայի մեջ են մտնում դիետիկ, այդ թվում մանկական սնունդը, ինչպես նաեւ մի շարք սննդային կենսաբանական ակտիվ հավելումներ: Այս մասին հրատարակությանը հայտնել է ՌԴ մանկական սննդի խոշորագույն արտադրողներից մեկի՝ Danone-ի ՌԴ-ում եւ ԱՊՀ-ում կորպորատիվ հարաբերությունների հարցերով տարածաշրջանային փոխնախագահ Մարինա Բալաբանովան:
Ընդ որում շուկայում որոշ կատեգորիաների ապրանքների համար ներմուծման մասնաբաժինը հասնում է 90 տոկոսի: Սահմանափակումները վերաբերում են նաեւ այդ ապրանքների արտադրության համար օգտագործվող բաղադրիչներին, հավելել է նա:
Մաքսային միության հանձնաժողովի որոշման նախագծի համաձայն՝ նման արտադրանքի համար անհրաժեշտ կլինի անասնաբուժական հավաստագիր եւ ներկրման թույլտվություն ձեւակերպել: Արտադրողները պետք է ընդգրկված լինեն երրորդ երկրների ձեռնարկությունների ռեեստրում:
Մատակարարները եւ ներմուծողները պատրաստ չեն նման պահանջներին: Այս մասին հրատարակությանն ասել է մեկ այլ խոշոր արտադրողը՝ Nestle-ն:
Թույլատրական փաստաթղթերի ձեւակերպումը կարող է մեկ տարի զբաղեցնել, ասել են Եվրոպական բիզնեսի ասոցիացիայում:
Danone-ում առաջարկում են ապրանքների ցանկից հանել 50 տոկոսից քիչ կենդանական ճարպ պարունակող ապրանքները եւ առնվազն 2.5 տարի անցումային շրջան հաստատել:
Գյուղատնտեսության նախարարությունից «Կոմերսանտին» ասել են, որ մանկական եւ բուժական սննդի նկատմամբ հսկողության ուժեղացումը պետք է անվտանգություն ապահովի եւ թույլ կտա ավելի արդյունավետ հայտանբերել կեղծված ապրանքները: Գերատեսչությունում հավաստիացնում են, որ այս միջոցները չեն վերաբերի բարեխիղճ մատակարարներին:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս