Մարտի 1–ի 10 զոհերի մասով առանձին քրգործ հարուցելու անհրաժեշտություն չկա. Նիկոլ Փաշինյան

Հաշվեհարդարն անհամատեղելի բառապաշար է մի կառավարության նկատմամբ, որն այդպիսին դարձել է սիրո, համերաշխության հեղափոխության միջոցով: Այս մասին այսօր՝ մարտի 19-ին, մամուլի ասուլիսի ժամանակ ասաց ՀՀ վարչապետ Նիկոլ Փաշինյանը՝ պատասխանելով լրագրողի հարցին, թե ինչպես է վերաբերվում ՀՀ երկրորդ նախագահ Ռոբերտ Քոչարյանի պաշտպանական խմբի այն հայտարարություններին, որ Քոչարյանի հանդեպ հաշվեհարդար է տեղի ունենում և մի քանի հայցադիմում է ներկայացրել դատարան Փաշինյանի եւ նրա կառավարության գործունեության հետ կապված:

«Եթե հաշվեհարդարի տրամադրություն լիներ, ապա շատ կարճ, կոնկրետ հաշվեհարդարների եւ հնարավորությունը կար, եւ ժամանակը, եւ համատեքստը կարող էր լինել: Ուզում եմ ասել՝ խնդրում եմ որեւէ մեկին որեւէ գործողություն երբեւէ չդիտարկել ինչ-որ անձնական զգացումների, ընկալումների, անձնական պատկերացումների շրջանակում: Դա յուրաքանչյուրի իրավունքն է՝ ցանկացած մեկնաբանություն տալ, ուղղակի հենց այդպիսի մեկնաբանությունների հեղինակներին խանգարում են իրավիճակը օբյեկտիվ ընկալել»,– ասաց Փաշինյանը:

Հարցին՝ արդյոք մեկ այլ քրեական գործ էլ կհարուցվի Մարտի 1-ի 10 զոհերի բացահայտման առումով, քանի որ ներկայիս գործը վերաբերում է միայն սահմանադրական կարգի տապալմանը՝ Փաշինյանը պատասխանեց, որ նոր քրգործ հարուցելու անհրաժեշտություն չկա, որովհետեւ քրեական գործը հարուցվել է:

«Բայց հիմա տեսեք, թե մենք ինչ փաստի հետ գործ ունեք. առնվազն այն հայտարարությունների մակարդակով, որ արվել է Քննչական մարմինների կողմից, մենք գործ ունենք փաստի հետ, որ Մարտի 1-ի պարկուճները փոխվել են: Այսինքն՝ այն պարկուճները, որոնք հաջորդ օրը քննչական մարմինների կողմից հայտնաբերվել են դեպքի վայրում, կրակված են եղել, այդ պարկուճները փոխվել են: Ինչո՞ւ են փոխվել, որովհետեւ այդ պարկուճների փորձաքննությունը կարող էր տալ շատ հարցերի պատասխաններ, ենթադրում եմ, այդ թվում՝ սպանությունների կոնկրետ կատարողներին բացահայտելու առումով: Որովհետեւ հակառակ դեպքում՝ ի՞նչ իմաստ ուներ փոխել պարկուճները: Այո, հնարավոր է այդտեղ կար երկրորդ կոնտեքստը, որ դրանով փորձ է արվել թաքցնել բանակի հնարավոր ներգրավվածությունը գործընթացին, բայց կարող է լինել նաեւ վարկած, որը շատ մեծ հավանականություն ունի, որ նաեւ այդտեղ եղել են այն պարկուճները, որոնք կապ ունեն սպանությունների հետ: Սպանություն կատարած փամփուշտի գնդակի պարկուճային մասը եղել է տեղում: Եթե սա է վարկածը, դա նշանակում է, որ քննչական մարմինն իմացել է, թե ովքեր են սպանողները: Հետեւաբար, այն բոլոր մարդիկ, որոնք նախաձեռնել են պարկուճների փոփոխությունը, իրենք պետք է ներգրավվեն եւ պետք է ցուցմունքներ տան:

Ուզում եմ ասել, որ չնայած քննչական մարմինները բազմիցս հայտարարություն արել են, ես ուզում եմ խնդրել այն քաղաքացիներին, որոնք այս թեմայով որեւէ բան ունեն ասելու, անպայման դիմեն մեր քննչական մարմիններին:

Հետեւաբար, սպանությունների բացահայտման գործն առանցքային կարեւոր գործ է եւ երբ որ ես օգոստոսի 17-ին հայտարարում էի, որ ըստ էության, Մարտի 1-ի գործը բացահայտված է, նաեւ դա նկատի ունեի: Հիմա այդ մարդիկ պետք է գան ասեն, թե ինչու են պարկուճները փոխել: Բայց այդ մարդիկ, կարծես գալու եւ ասելու ցանկություն չունեն: Դա լավ չի, բայց դա չի նշանակում, որ քննությունը չի շարունակվելու եւ որեւէ կասկած չի կարող լինել, որ Մարտի 1-ի գործի բացահայտման առումով արվելու է ամեն ինչ:

Այս պահին մեր թիվ մեկ բարդությունն այն է, որ եթե այդ պարկուճը լիներ, կնույնականացվեր զենքի հետ, որով ենթադրենք որեւէ սպանություն տեղի է ունեցել, եւ մենք կիմանայինք, թե ով է կրակել այդ զենքից: Մենք կոնկրետ կբացահայտեինք հեղինակին»,– ասաց Փաշինյանը:

Փաշինյանը նշեց, որ Հայաստանում շատերը տպավորություն ունեն, թե ինքն է քննությունը վարում. «Ասում եմ՝ էս մեկին ձերբակալել, մյուսին բռնել, էն մեկի խափանման միջոցը փոխել, այնտեղ խուզարկություն անել: Դա այդպես չի, որովհետեւ դա կլիներ սխալ»:

Այս թեմայով Ինչպիսին էլ լինեն լուծումները, դրանք պետք է տեղավորվեն ինքնիշխանության, տարածքային ամբողջականության, իրավազորության սկզբունքների շրջանակում․ Փաշինյան Գերիների հարցը բարձրացվել է բարձրագույն մակարդակում. Փաշինյան Սյունիքի մարզը վարձով տալու մասին խոսք լինել չի կարող. Փաշինյան Ինչին է անհամբեր սպասում Նիկոլ Փաշինյանը Գետնին գցված դրոշը, պոկված կախիչը եւ գլոբալ ձախողումը. ո՞րն է ավելի վատ