Արդեն 6-րդ օրն է, շարունակվում է Օպերայի այգում գտնվող սրճարանների ապամոնտաժումը (տեսանյութ)
Երեւանի քաղաքապետարանը արդեն 6-րդ օրն է, շարունակում է Օպերայի հարակից տարածքի սրճարանների ապամոնտաժման աշխատանքները: Նպատակը համայնքին պատկանող տարածքի ճարտարապետական տեսքի եւ երբեմնի կանաչ գոտու վերականգնումն է:
Ծրագիրն իր մեջ ներառում է ոչ միայն կանաչապատումը, այլեւ հարակից ճարտարապետական ձեւավորումը: Նշվում է, որ կանցկացվի բաց մրցույթ եւ կորոշվի այս տարածքի ճարտարապետական դիմագիծը:
Քաղաքապետարանը Օպերայի մերձակայքում սրճարանների նախկին վարձակալներին մեկ ամիս առաջ՝ փետրվարի 13-ին, ծանուցել է սեփական ուժերով տարածքը մաքրելու անհրաժեշտության մասին։ Քաղաքապետարանն ապամոնտաժման աշխատանքներն սկսել է մարտի 13-ին, իսկ արդեն մարտի 14-ին աշխատանքներն ուղեկցվել էին սրճարանների աշխատակիցների բողոքի ակցիաներով, բախումներ էին տեղի ունեցել ոստիկանների եւ քաղաքացիների միջեւ, վնասվածքներ էին ստացել ինչպես ոստիկաններ, այնպես էլ քաղաքացիական անձինք: Բերման էր ենթարկվել 22 մարդ, որոնք ավելի ուշ ազատ էին արձակվել:
Ավելի ուշ հայտարարությամբ էր հանդես եկել «Ջազզվե» սրճարանի ընկերության համասեփականատեր Արմեն Պետրոսյանը՝ նշելով, որ ցավոք, իրենց հետ երկխոսել չկամեցան ու որոշեցին շփվել ուժի լեզվով: Նա կոչ է արել դադարեցնել բողոքի ակցիաները: Իր հերթին քաղաքապետ Հայկ Մարությանը հայտարարել է, որ Օպերայի տարածքից բոլոր սրճարանները պետք է դուրս գան։
Իր հերթին «Ատմոսֆերա» ՍՊԸ-ի սեփականատերերից Էլիզաբեթ Ղազարյանը լրագրողների հետ զրույցում նշել էր, որ պատրաստվում են դատարան դիմել իրենց գույքը փչացնելու համար:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս