Այս տարի իրանցիների հոսքը Հայաստան խիստ կրճատվելու է. մի շարք պատճառներ կան
«Իրավունքը» գրում է. «Ամեն տարի մարտի 15-ից սկսած՝ Հայաստան էին այցելում Իրանի մեծաթիվ զբոսաշրջիկներ՝ նշելու իրենց Նոր տարին: Մեկ շաբաթով Երևանի կենտրոնը և Հայաստանի դիտարժան վայրերը «լցվում» էին իրանցիներով: Սակայն այս տարի իրանցիների հոսքը խիստ կրճատվելու է: Դրա համար կան մի շարք պատճառներ:
Նախ՝ Իրանում տնտեսական վիճակի վատթարացումը և արտարժույթի գնի բարձրացումը: Սակայն կան խնդիրներ նաև Հայաստանի հետ կապված, քանի որ Իրանում շատերը հավատացած են, որ Հայաստանում տեղի ունեցած հեղաշրջումը իրականացրել են ամերիկացիները, որոնք, ինչպես հայտնի է, իրանցիների թիվ մեկ թշնամիներն են Իսրայելի հետ:
Բացի այդ, Իրանում չեն մոռացել, որ Նիկոլը արտահայտվել էր Իրանի հետ սահմանի փակման հնարավորության մասին, իսկ հայկական որոշ բանկերում որոշակի խնդիրներ էին ծագել իրանցիների հետ:
Իր դերն է խաղում նաև այն, որ վերջին շրջանում ջերմացել են Իրանի և Ադրբեջանի հարաբերությունները և զբոսաշրջիկների հոսքի մի մասը Հայաստանից թեքվել է դեպի Ադրբեջան: Ավելի շատ իրանցի զբոսաշրջիկներ սկսել են գնալ նաև Վրաստան, որտեղ անհամեմատ լավ է կազմակերպված զբոսաշրջիկության ենթակառուցվածքը:
Իհարկե, Հայաստանի տնտեսության համար առանց այդ էլ սակավ զբոսաշրջիկության ցուցանիշների նվազումը կունենա իր հետևանքը, իսկ ֆինանսական շուկայում, եթե ամեն տարի մարտի կեսերին նկատվում էր դոլարի գնի նվազում, ապա այս տարի ֆինանսիստները նման տատանումներ չեն կանխատեսում»,-գրում է թերթը:
Մանրամասները՝ թերթի այսօրվա համարում:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս