Հարկ վճարողներին 50%-ով ավելի ծանուցում է ուղարկվել
Պետական եկամուտների կոմիտեի մոնիտորինգի կենտրոնը 2019թ. հունվար-փետրվար ամիսներին ՀԴՄ-ներով կատարվող գործարքների մոնիտորինգի արդյունքներով հարկ վճարողներին ուղարկել է 1043 ծանուցում, ինչը 50%-ով ավելի է 2018թ. նույն ժամանակահատվածի ցուցանիշից։ Այս մասին հայտնում են ՊԵԿ տեղեկատվության և հասարակայնության հետ կապերի բաժնից:
Ընդհանուր առմամբ, 2018թ. 12 ամիսներին ՀԴՄ-ներով, ինչպես նաև հաշվարկային փաստաթղթերով կատարվող գործարքների մոնիտորինգի արդյունքներով հարկ վճարողներին ուղարկվել է 9370 ծանուցում: 2475 դեպքում հարկ վճարողներն արձագանքել են ծանուցումներին: Բիզնեսի հետ երկխոսության արդյունքում 2019թ. երկու ամիսներին 12,5 մլն ՀԴՄ կտրոն ավելի է տպվել նախորդ տարվա նույն ժամանակահատվածի համեմատ։
Մոնիտորինգի կենտրոնում կատարվող ավտոմատ վերլուծությունների ու ծանուցումների շնորհիվ հարկային մարմնի հսկողական միջոցառումները հիմնավորված և թիրախային են դառնում. «Միայն բազմակի ծանուցված և վարքագծում դրական փոփոխություն չդրսևորած ռիսկային հարկ վճարողների ցանկերն են ուղարկվում համապատասխան ստորաբաժանումներին` հսկողական միջոցառումների իրականացման համար: Արդյունքում նվազում է հարկային մարմնի աշխատակիցների հետ հարկ վճարողի շփումը»,-ընդգծում է ՊԵԿ մոնիտորինգի բաժնի պետ Կարինե Մնացականյանը:
Ըստ նրա` հսկողական միջոցառումների արդյունքների և ծանուցումների պատասխանների ամփոփմամբ շարունակաբար կատարելագործվում է ավտոմատ համակարգի ռիսկի գնահատման մեխանիզմը:
Մասնավորապես` մշակվել և ծրագրավորման փուլում են գտնվում եկամտային հարկի հայտարարագրման և աշխատողների ձևակերպման ռիսկայնության գնահատման չափանիշներ, որոնց ներդրումից հետո ՊԵԿ մոնիտորինգի կենտրոնում վերլուծության կենթարկվեն նաև, օրինակ, օրենքով սահմանված նվազագույն աշխատավարձից ցածր աշխատավարձ հայտարարագրած գործատուների ռիսկերը:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս