Բա որ ասում եմ՝ ձեւակերպումներով աշխատեք. Փաշինյանը՝ «Աշտարակ կաթի» գործով տուժածներին
«Աշտարակ կաթ» ընկերության կանխամտածված սնանկության հիմքով հարուցված քրեական գործով այլեւս քաղաքացիների դեմ այլեւս դատական ակտեր չեն կայացվի: Այս մասին, այսօր՝ մարտի 7-ին, կառավարության նիստում հայտարարեց Գլխավոր դատախազ Արթուր Դավթյանը:
Նա վարչապետ Նիկոլ Փաշինյանի խնդրանքով մանրամասներ հայտնեց ընթացող քրեական գործից՝ նշելով. «Քրեական գործով ստուգվում է «Աշտարակ կաթ» ընկերության սնանկության գործընթացը: Գործը հարուցված է առերեւույթ կանխամտածված սնանկության փաստով:
Դժգոհող քաղաքացիների հիմնական պահանջն արտահայտվել է նրանով, որ առաքված ապրանքների դիմաց տնտեսվարողները առաքիչներին կատարել են վճարումներ, սակայն դրանք մուտք չեն արվել կազմակերպության բյուջե եւ սնանկության գործերով կառավարչի կողմից դատական պրոցեսներ են իրականացվել:
Նախնական մեր տեղեկությունները թույլ են տալիս ասել, որ ի հայտ է բերվել, որ բացի օրենքով սահմանված ընթացակարգով մուտքեր ձեւակերպելուց, առկա են նաեւ կրիչներ, որոնցում հիմնավորվում է համապատասխան տնտեսվարողներից գումարների մուտքերը: Սրան լիարժեք պատասխան կտանք ստուգմամբ, որը ծավալուն է»:
Արթուր Դավթյանի խոսքով, արդեն իսկ նախաքննական մարմինը նախաձեռնել է եւ նամակներ է գրում դատարաններին, որ ստուգմամբ հավանական այսպիսի տեղեկություններ են ձեռք բերվելու, որոնք էական նշանակություն են ունենալու դատական ակտերի պայմաններում. «Այսինքն քաղաքացիների դեմ այլեւս դատական ակտեր չեն կայացվի: Խնդրել ենք դատական նիստերը հետաձգել, մինչեւ վերջնական պատասխան կունենանք եւ հարցը վերջնականապես կփակվի»:
Դավթյանը նշեց, որ ցավոք արդեն կան դեպքեր, երբ քաղաքացիների դեմ դատական աակտեր են կայացվել, բայց վերադաս ատյաններում այդ խնդիրներին լուծում տալու հնարավորություններ կան:
Սրան արձագանքեց Նիկոլ Փաշինյանը՝ նշելով. «Այսինքն տնտեսվարողները «Աշտարակ կաթի» առաքիչներին գումարները վճարել էին, հետո պարզվել է, որ դա չի արձանագրվել սահմանված կարգով: Ու երբ ընկերությունը սնանկացել է, այդ տնտեսվարողների նկատմամբ առաջացել են պահանջներ, որ դուք այսքան պարտք ունեք ընկերությանը: Այսինքն չկար այդ վճարումների ապացույցը: Դա էլ բանավոր, ձեւակերպումներ չտալու հայտնի ավանդույթի օղակներից մեկն է: Հարգելի քաղաքացիներ, երբ ասում ենք, որ պետք է շրջանառությունը փաստաթղթավորել, դա նաեւի այս կարգի դեպքերի մասին է: Եթե մեր տնտեսվարողները ձեւակերպեին, այս շղթան ամբղջությամբ աշխատեր, հիմա այսպիսի իրավիճակի առաջ չէին կանգնի: Հիմա հիմնավորվում է, որ վճարումներ արել են, շատ լավ է, որ արդարությունը վերականգնվում է, բայց ճիշտ չեն արել, որ այն ժամանակ համապատասխան ձեւակերպումներով չեն աշխատել»:
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Գարեգին Երկրորդի եղբոր կալանքը 2 ամսով երկարաձգվեց
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Իրանում վերականգնվել է ինտերնետային կապը
Պուտինը պատասխանել է Մելանյա Թրամփի նամակին
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Էստոնիան այս տարի պլանավորում է դեսպանություն բացել Երևանում
Գողություններ կատարած տղամարդիկ ձերբակալվել են․ Վաղարշապատի համայնքային ոստիկանների բացահայտումը (տե...