Ով է կանանց գաղութի նոր պետը
Փետրվարի 7-ին ՀՀ ԱՆ քրեակատարողական ծառայության պետ, արդարադատության գնդապետ Արտյոմ Մխոյանը «Աբովյան» քրեակատարողական հիմնարկում ներկայացրեց պետի ժամանակավոր պաշտոնակատար, արդարադատության գնդապետ Վարուժան Եղիազարյանին: Ներկա էին «Աբովյան» քրեակատարողական հիմնարկի պետի տեղակալները, ստորաբաժանումների պետերը, պատասխանատու հերթապահները, ինչպես նաև՝ հիմնարկի նախկին պետ, արդարադատության գնդապետ Գայանե Վարդանյանը: ՀՀ ԱՆ քրեակատարողական ծառայության պետ, արդարադատության գնդապետ Ա. Մխոյանը նախ շնորհակալական խոսք ուղղեց Գ. Վարդանյանին՝ ընդգծելով նրա դրական և արդյունավետ աշխատանքը ողջ ծառայության, մասնավորապես «Աբովյան» քրեակատարողական հիմնարկում աշխատելու ընթացքում:
Այնուհետև շնորհավորելով պետի ժամանակավոր պաշտոնակատար Վ. Եզիազարյանին՝ մաղթեց նրան բեղմնավոր, արդյունավետ և անփորձանք աշխատանք: Շնորհակալական խոսքով հանդես եկավ Վ. Եղիազարյանը՝ հավաստիացնելով, որ հիմնակի անձնակազմի հետ համատեղ կներդնեն բոլոր հնարավորություններն ու եռանդը՝ իրենց հանդեպ ցուցաբերված վստահությունն արդարացնելու և առկա խնդիրները լուծելու համար: Դիմելով ներկաներին՝ Ա. Մխոյանը շեշտադրեց հատկապես հստակ ուրվագծված այժմեական այն պահանջները, որոնք դրված են երկրի, այդ թվում նաև Ծառայության առջև:
Ըստ Ծառայության պետի՝ համակարգի առաջնային խնդիրը յուրաքանչյուրի կողմից քրեակատարողական ծառայողի արժանապատվության, պատվի, արժեքների պահպանումն է, ինչն էլ իր հերթին պայմանավորված է անհատ ծառայողի անձնական մոտեցումից: Ա. Մխոյանն անդրադարձավ նաև կոռուպցիային՝ նշելով, որ կոռուպցիա և անօրինականություն են համարվում նաև այն դեպքերը, երբ խախտվում են ծառայողական պարտականությունների շրջանակներն ու կարգապահությունը՝ միևնույն ժամանակ պահանջելով լինել միասնական, համախմբված, միայն համախմբվածության դեպքում կարող են հաղթահարել ծառացած հակասություններն ու անհամաձայնությունները՝ ցանկացած խնդրի համար գտնելով օրինական և տրամաբանական լուծումներ:
Քրեակատարողական հիմնարկներում ներկայիս գերխնդիրը կայուն ու կառավարելի իրավիճակ ապահովելն է, ինչին հասնելու կարևորագույն ճանապարհներից մեկը, ըստ Ծառայության պետի, ծառայողական կուռ կարգապահությունն է, իսկ կոռուպցիայի ցանկացած երևույթի բացահայտման դեպքում անձը կենթարկվի պատասխանատվության:
ՀՀ ԱՆ քրեակատարողական ծառայության հանրային կապերի բաժին
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Գարեգին Երկրորդի եղբոր կալանքը 2 ամսով երկարաձգվեց
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Իրանում վերականգնվել է ինտերնետային կապը
Պուտինը պատասխանել է Մելանյա Թրամփի նամակին
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Էստոնիան այս տարի պլանավորում է դեսպանություն բացել Երևանում
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Կլիմայական փոփոխությունների պատճառով` սպիտակ արջերը ավելի գեր եւ ավելի առողջ են դարձել