Փորձագետ. Հայաստանում գյուղատնտեսությունում այսօր հետընթաց է տիրում
Հայաստանում գյուղատնտեսության ոլորտում հետընթաց է տիրում։ Այս մասին մարտի 1-ին լրագրողների հետ հանդիպմանն ասել է «Ֆերմերային շարժում» հասարակական կազմակերպության նախագահ Սարգիս Սեդրակյանը։
Փորձագետն ընդգծել է, որ դա կապված է այն անորոշության հետ, թե ինչպիսին է լինելու պետական քաղաքականությունն այս ոլորտում։ «Մենք տարրական ձեւով չգիտենք, թե որ մարմինն է զբաղվելու ոլորտով։ Գյուղացիները չգիտեն՝ վառելիք, սերմնացու, պարարտանյութ կտրամադրվե՞ն, թե՞ ոչ։ Եթե մինչ այդ մարզպետներն ու պաշտոնյաներն էին տեղերում կոռումպացված, ապա հիմա նրանք պարզապես իրավասու չեն»,- ավելացրել է Սեդրակյանը։
Փորձագետը նկատել է, որ երկրի ցանքատարածությունների կեսը չի մշակվում, եւ անհասկանալի է, թե ինչպես է լուծվելու կառավարման արդյունավետության հարցն առանց գյուղնախարարության։
Նա նաեւ դժգոհել է, որ կառավարությունը շարունակում է խոշորացնել համայնքները, ինչն սկսել էին նախորդ իշխանությունները։ Իսկ դա տանում է գյուղի աղքատացման, քանի որ ֆինանսական միջոցները գնում են մի կենտրոն։ «Այլ բան է, եթե իրականացվի ֆերմերային տնտեսությունների խոշորացում։ Դա, անշուշտ, դրական երեւույթ կլիներ, քանի որ կհանգեցներ աճեցված արտադրանքի ինքնարժեքի իջեցման»,- ամփոփել է Սարգիս Սեդրակյանը։
Հիշեցնենք, որ կառավարությունը պետական ապարատի օպտիմալացման ծրագրի շրջանակում որոշում է ընդունել գյուղատնտեսության նախարարություն տնտեսական զարգացման եւ ներդրումների նախարարությանը միացնելու մասին։ Առայժմ խորհրդարանն այդ օրինագիծը չի քննարկել։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս