ԱԳՆ-ը դժգոհում է 12 տարվա «Մերսեդեսից»
Կառավարության վաղվա նիստում կորոշի Արտաքին գործերի նախարարությանը ամրացված 2003 թ-ի արտադրության Audi A6 L-1.8 ավտոմեքենան հետ վերցնել և ամրացնել տնտեսական զարգացման և ներդրումների նախարարության պետական գույքի կառավարման կոմիտեին՝ հետագայում օտարելու նպատակով։
«Հրաժարում՝ հօգուտ պետության» մաքսային ընթացակարգով 2019 թ. հունվարի 19-ին ձևակերպված և պետական սեփականությանը փոխանցված 2016 թվականի արտադրության 27,669.0 հազ. դրամանոց Mercedes-Benz S 350 ավտոմեքենան ամրացնել Արտաքին գործերի նախարարությանը:
Հիմնավորումն այն է, որ Գերմանիայում ՀՀ դեսպանության կողմից շահագործված՝ 2016թ. արտադրության Mercedes-Benz S 350 մոդելի ավտոմեքենան տեղափոխվել է Հայաստան՝ Արտաքին գործերի նախարարության կարիքների համար օգտագործելու նպատակով։
Ներկայումս նախարարության կողմից օգտագործվում է 12 տարվա վաղեմության Mercedes-Benz S 350 մոդելի ավտոմեքենա, որի մաշվածության պատճառով ընթացիկ վերանորոգումների հաճախակի կարիք է առաջանում։
Միաժամանակ անհրաժեշտ է պահպանել ՀՀ կառավարության 17 փետրվարի 2005թ. № 194-Ն որոշմամբ հաստատված Հավելված 2-ում սահմանված սահմանաչափը (17 ավտոմեքենա), հետևաբար առաջարկվում է Արտաքին գործերի նախարարությանը ամրացված 2003թ. արտադրության Audi A6 L-1.8 ավտոմեքենան հետ վերցնել և ամրացնել Տնտեսական զարգացման և ներդրումների նախարարության պետական գույքի կառավարման կոմիտեին՝ հետագայում օտարելու նպատակով։ Չնայած ավտոմեքենայի բնականոն մաշվածությանը՝ այն պիտանի է շահագործման համար։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս